CARA NGADATANGKEUN PITULUNG ALLAH

CARA NGADATANGKEUN PITULUNG ALLAH

Oleh: Yudha H. Bhaskara, SHI

السلام عليكم ورحمة الله وبركاته

أَلْحَمْدُللهِ الْمُنْعِمِ عَلَى مَن أَطَاعَهُ وَاتَّبَعَ رِضَاهُ, أَلْمُنْتَقِمِ مِمَّنْ خَالَفَهُ وَعَصَاهُ, أَلَّذِيْ يَعْلَمُ مَاأَظْهَرَهُ الْعَبْدُ وَمَاأَخْفَاهُ, أَلْمُتَكَفِّلِ بِأَرْزَاقِ عِبَادِهِ فَلَا يَتْرُكُ أَحَدًا مِنْهُمْ وَلَايَنْسَاهُ, أَشْهَدُ أَنْ لَاإِلَهَ إِلَّااللهُ وَحْدَهُ لَاشَرِيْكَ لَهُ شَهَادَةَ عَبْدٍلَمْ يَخْشَ إِلَّااللهُ, وَأَشْهَدُأَنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِيْ اخْتَارَهُ اللهُ وَاصْطَفَاهُ, أَللّهُمَّ صَلِّ وَسَلِّمْ عَلَى سَيِّدِنَامُحَمَّدٍ وَعَلَى أَلِهِ وَأَصْحَابِهِ وَمَنْ وَالَاهُ, أَمَّابَعْدُ: فَيَاأَيُّهَاالنَّاسُ اتَّقُوْااللهَ حَقَّ تَقْوَاهُ

                Jama’ah Shalat Jum’ah Rahimakumullah…

Dina khutbah Jumat ieu… Pribados bade ngajak ka diri nyalira… Anu mudah-mudahan katampi ku para bapa… hayu urang sami-sami ningkatkeun kataqwaan urang ka Allah SWT.. Kujalan ngalaksanakeun sagala parentah-Na… sareng ninggalkeun tina sagala anu tos dilarang ku Allah sareng Rasul-Na… Mangga ayeuna keneh urang sami-sami taubat ka Allah… Sabab taubat ka Allah teh kudu dienggal-enggal, ulah diengke-engke, margi bilih kabujeng janten bangke…:

وَسَارِعُوا إِلَىٰ مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ

“Jeung enggal aranjeun taubat menta ampunan ka Allah… Jeung kengengkeun surga anu legana salega langit jeung bumi… anu disayagikeun kangge jalmi-jalmi anu taqwa.”  (QS. Ali Imran 133)

Insya Allah dina khutbah Jumat ieu, pribados bade ngadugikeun hadits anu diriwayatkeun ku Imam Muslim, sanadna ti Abu Hurairah… Nyaeta kakait amalan anu tiasa ngadatangkeun pitulung Allah ka urang,  lain ngan saukur di dunia, tapi pitulung Allah ieu bakal didatangkeun ka urang engkin di yaumil qiyamah.

Kahiji:

مَنْ نَفَّسَ عَنْ مُؤْمِنٍ كُرْبَةً مِنْ كُرَبِ الدُّنْيَا، نَفَّسَ اللهُ عَنْهُ كُرْبَةً مِنْ كُرَبِ يَوْمِ الْقِيَامَةِ،

“Sing saha anu ngaleupaskeun hiji kasusah jalmi mu’min dina urusan dunia, maka Allah bakal nulungan ngalepaskeun hiji kasusah engkin di yaumil qiyamah”

Jadi lamun urang nulungan kasusah batur sasama mu’min di dunia, maka Allah bakal nulungan ngaleupaskeun kasusah urang engkin di Yaumil Qiyamah… dina hadits ieu, Rasulullah SAW ngagunakeun istilah Mu’min…. ieu saenyana ‘Itibar kangge urang… Sabab dina kahirupan sadidinten ayeuna… Urang sering mendakan jalmi Muslim tapi henteu Mu’min… Buktina seueur jalmi anu Islam-na ngan saukur dina KTP-na hungkul… Enya ngakuna mah Islam… Tapi tara shalat, Islam na ngan saukur syahadat… Makana dina Islam aya tilu tingkatan jalmi… Tingkat kahiji jalmi Muslim, anu ngaku tos Islam… Tingkat kadua jalmi Mu’min, anu tos ima… Tingkat katilu jalmi Muhsin, anu “ihsan” dina sagala kahirupana… Tiap naon anu dilakukeuna ngarasa yakin diawasi ku Allah SWT… Jalmi anu tos “ihsan” maka ibadahna bakal ikhlash… Disebutna Mukhlish… Lamun tos mukhlish maka langkung caket kana derajat jalmi pang luhurna nyaeta Taqwa… Inna akramakum ‘indallahi atqakum…

Jama’ah Jum’ah Rahimakumullah…

Kedah diemut ku urang… Engkin di Yaumil Qiyamah teh sadaya jalmi bakal ditimpa kasusah…  ti mimiti kasusah dina Sakaratulmaut, kasusah di Alam Barzah, kasusah di Poe Kebangkitan, kasusah Nuju Dihisab, kasusah nuju meuntas cukang Shiratal Mustaqim… sareng sajabina… Kumargi kitu… Urang butuh pisan kana pitulung Allah SWT… Kumaha carana? Carana tadi, Kahiji tulungan dulur urang sasama mu’min.. anu nuju susah di dunia…

Jadi mindset… atawa pola pikir urang kedah dirobah… Lamun urang nulungan kasusah dulur urang sasama mu’min di dunia, saenyana urang nuju nulungan diri urang sorangan engkin di yaumil qiyamah.. Sabab makin seueur urang nulungan kasusah batur di dunia, maka makin seueur kasusah urang anu bakal ditulungan ku Allah engkin di yaumil qiyamah.. Janten ngitungna sanes tos sabaraha kali urang nulungan batur… Tapi tos aya sabaraha kasusah urang anu bakal ditulungan ku Allah  SWT engkin di yaumil qiyamah..

Lamun urang nulungan batur, ulah sakali-kali ngarepkeun balesan ditulungan deui ku jalmi anu ditulungan ku urang… Tapi ikhlaskeun, pasrahkeun ka Allah… Sabab Allah langsung anu bakal nulungan urang… Allah bakal ngagerakeun saha wae anu dipikahoyongna kangge nulungan urang… Irhamu man fil ardhi, yarhamukum man fis samaa’…

Kadua,

وَمَنْ يَسَّرَ عَلَى مُعْسِرٍ، يَسَّرَ اللهُ عَلَيْهِ فِي الدُّنْيَا وَاْلآخِرَةِ،

“Sing saha anu ngagampangkeun urusan batur, maka Allah bakal ngagampangkeun urusana di dunia jeung di akhirat.”

Ieu saenyana prinsip etos kerja… Lamun urang hoyong digampangkeun dina urusan dunia jeung akhirat.. Maka gampangkeun heula urusan batur anu ditangani ku urang.. Ulah urusan batur dipersulit… Giliran urusan sorangan hayang digampangkeun… Utamina anu tugas ngurus urusan rakyat… Tos teu jaman mempersulit urusan rakyat… Rasulullah SAW ngajarkeun, gampangkeun heula urusan batur… Maka Allah bakal ngagampangkeun urusan urang di dunia jeung akhirat… Jadi lamun ayeuna urang ngarasa hirup asa sagala hese… Ulah nyalahkeun Allah… Sabab tiasa jadi urangna resep keneh mempersulit urusan batur…

Jadi sanes ngan saukur ngadoa siang wengi… Nyunkeun hoyong dgampilkeun sagala urusan di dunia jeung di akhirat, tapi urangna resep keneh mempersulit urusan batur… Barengan ku amaliahna… Barengan ku praktekna sakumaha pidauh Rasulullah SAW tadi… Gampangkeun heula urusan batur  karak Allah bakal ngagampangkeun urusan urang di dunia jeung di akhirat….

Terakhir Katilu:

وَمَنْ سَتَرَ مُسْلِمًا، سَتَرَهُ اللهُ فِي الدُّنْيَا وَاْلآخِرَةِ،

“Sing saha anu nutup aib jalmi muslim, maka Allah bakal nutup aibna di dunia jeung di akhirat..”

Ieu berlaku kangge sadaya jalmi muslim, sabab teu aya jalmi anu hirupna sampurna.. Jalmi moal leres salamina sabab sanes malaikat, oge moal salah salamina sabab sanes iblis… Jadi ulah adigung ngarasa sagala tingkah-pola jeung ucapana paling bener… Sabab jalmi mah tempatna salah jeung hilap… Jadi ulah ngabuka ‘aib batur… Tos kaliwat sataun, dua taun, tilu taun, masih keneh diumbar ‘aib batur, padahal batur anu dibuka ‘aibna ku urang… Anu digogoreng ku urang ternyata tos jauh leuwih insyaf, leuwih shaleh tibatan urang… Jadi tutupan ‘aib batur, maka Allah bakal nutupan ‘aib urang di dunia jeung di akhirat…

Tapi ulah oge hadits ieu dipelintir… Osok aya oknum anu ngagunakeun hadits ieu jang nutupan kamungkaran, aya bumi anu dijadikeun tempat judi, cicing wae ditutupan… Sabab nganggap judi teh aib, sedengken lamun urang nutupan aib batur bakal ditutup aibna ku Allah di dunia jeung akhirat.. Ieu kaliru… Lamun ningali kamungkaran, bade judi, korupsi, peredaran narkoba, perzinahan, pornografi, porno aksi… Maka saur Rasulullah SAW: Man Ra aa Minkum Munkaran, Fal Yughayyirhu Bi yadihi… Fain Lam Yastathi’i Fabilisanihi, Fain Lam Yastathi’i Fabi Qalbihi fa dzalika ‘Adh’aaful Iman…

Mun tiasa ngarubah kamungkaran ku panangan, lakukeun ku panangan… Panangan teh simbol kekuatan jeung kekuasaan, utamina ieu dilakukeun ku aparat, lakukeun tugasna nindak kemungkaran… Lamun teu sanggup ku panangan, cegah ku lisan, diantarana ieu tugas para kyai, para ustadz kujalan dakwah… Lamun teu sanggup keneh, maka ku hate… Keretegkeun dina hate.. “Kuring teu ridha kana eta kamaksiatan” bari teu pernah hadir di eta tempat maksiat… Sanajan eta anu pang lemah-lemahna iman..

Ngan nyaeta ari urang mah kahoyong lebet surga anu pang saena, surga firdaus… Ari iman osok milih anu pang lemahna… Teu daek nyaram kana kamungkaran… Teu daek amar ma’ruf nahi munkar… Lamun urang hoyong surga anu pamng saena, maka pilih iman anu pang kuatna…

Wallahu’alam bi haqiqatil murad…

باَرَكَ اللهُ لِي وَلَكُمْ فَى الْقُرْانِ الْعَظِيْمِ وَنَفَعَفِى وَاِيَّاكُمْ بِمَا فِيْهِ مِنَ الْاَيَاتِ وَالذِّكْرِالْحَكِيْمِ فَاسْتَغْفِرُوْهُ اِنَّهُ هُوَالْغَفُوْراُلرَّحِيْمِ.

KHUTBAH TSANI

الحمد لله رب العالمين وبه نستعين على أمورالدنيا والدين . أشهد أن لااله الا الله وحده لا شريك له ألمالك الحق المبين. وأشهد أن محمدا عبده ورسوله ألصادق الوعدالأمين. صلاة وسلاما دائمين متلازمين على أشراف المرسلين. سيدنا محمد وعلى أله وأصحابه الطاهرين المكرمين (أمابعد) فيا احوانى رحمكم الله. أوصيكم واياي بتقوى الله وطاعته لعلكم تفلحون.

فقال الله تعالى فى كتابه الكريم أعوذباالله من الشيطان الرجيم : (من يتق الله يجعل له مخرجا ويرزقه من حيث لا يحتسب). ان الله وملا ئكته يصلون على النبي. ياأيهاالذين أمنوا صلوا عليه وسلموا تسليما. أللهم صل وسلم على سيد نا محمد وعلى أله وأصحابه والتابعين وتابع التابعين لهم باحسان الى يوم الد ين و علينا منهم ومعهم برحمتك يا أرحم الراحمين . أمين يارب العالمين:

أَللّهُمَّ اغْفِرْلِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ الْأَحْيَاءِ مِنْهُمْ وَالْأَمْوَاتِ إَنَّكَ قَرِيْبٌ مَجِيْبُ الدّعْوَاتِ. أَللّهُمَّ انْصُرْمَنْ نَصَرَ الدِّيْنِ. وَأَهْلِكِ الْكَفَرَةَ وَالْمُشْرِكِيْنَ. وَاعْلِ كَلَمَتَكَ إِلَى يَوْمِ الدِّيْنِ. اَللّهُمَّ اَلِّفْ بَيْنَ قُلُوْبِ الْمُسْلِمِيْنَ وَفَرِّقْ جَمْعِيَّةَ الْكُفْرِ وَالْمُشْرِكِيْنِ. أَللّهُمَّ اكْفِنَاشَرَّالظَّالِمِيْنَ. وَاكْفِنَاشَرَّالْحَاسِدِيْنَ. وَاكْفِنَاشَرَّمَنْ يُؤْذِيْنَا وَأَهْلِكْ مَنْ أَرَادَنَا بِالسُّوْءِ يَاأَرْحَمَ الرَّحِمِيْنَ. اَللّهُمَّ اجْعَلْ فِي بِلَادِنَا هَذَا إِمَامًا عَاِدلًا إِنَّكَ عَلَى كُلِّ شَيْءٍ قَدِيْر. اَللّهُمَّ لَا تَجْعَلْنَا تَحْتَ اَقْدَامِ الْكَافِرِيْنَ وَالْمُشْرِكِيْنَ وَالْمُنَافِقِيْنً َالظَّالِمِيْنَ. رَبَّنَا اغْفِرْ لَنَا وَلِإِخْوَانِنَا الَّذِيْنَ سَبَقُوْنَ بِالْإِيْمَانِ وَلَا تَجْعَلْ فِي قُلُوْبِنَا غِلًّا لِلَّذِيْنَ أَمَنُوْا رَبَّنَا اِنَّكَ رَؤُوْفٌ رَّحِيْمٌ. رَبَّنَا أَتِنَا فِي الدَّنْيَا حَسَنَةً وَفِي الْاَخِرَةِ حَسَنَةً وَقِنَا عَذَابَ النَّارِ. سُبْحَانَ رَبَّكَ رَبِّ الْعِزَّةِ عَمَّا يَصِفُوْنَ وَسَلَامٌ عَلَى الْمُرْسَلِيْنُ وَالْحَمْدُللهِ رَبَّ الْعَالَمِيْنَ.

عِبَادَاللهِ….. إِنَّ اللهَ يَأْمُرُكُمْ بِالْعَدْلِ وَالْإِحْسَانِ وَإِيْتَاءِ ذِى الْقُرْبَى وَيَنْهَى عَنِ الْفَخْشَاءِ وَالْمُنْكَرِوَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوااللهَ الْعَظِيْمَ يَذْكُرُكُمْ وَاشْكُرُوْهُ عَلَى نِعَمِهِ يَزِدْكُمْ وَاسْئَلُوْهُ مِنْ فَضْلِهِ يُعْطِكُمْ وَلَذِكْرُاللهِ أَكْبَرُ.