Bersyukur Saat Diberi Nikmat Dan Bersabar Saat Diberi Ujian

Bersyukur Saat Diberi Nikmat Dan Bersabar Saat Diberi Ujian

Oleh: Yudha H. Bhaskara, SHI

السلام عليكم ورحمة الله وبركاته

الحَمْدُلله الَّذِىْ جَعَلَ لِكُلِّ شَيءٍ سَبَبًا, فَاتَّبَعَ سَبَبًا, وَأنْزَلَ عَلَى عَبْدِهِ كِتَابًا عَجَبًا, فِيْهِ مِنْ كُل شَيْءٍ

حِكْمَةً وَّأًدَ بًا, وأًشْهَدُ أنْ لَااِلَه اِلااللهُ وَحْدَهُ لَاشَريْك لَهُ فِى مَمْلَكَتهِ وَلَا نَظِيْرَلهُ فِى ربُوْبِيِّتِهِ. وأَشْهَدُ

أنَّ مُحَّمدًا عَبْدُهُ وَرَسُوْلُهُ بَيَّنَ مَعَالِمَ الِدّيْنِ وَهدَانَاالصِّرَاطَ الْمُسْتَقِيمَ. اَلَّلهُمَ فَصَلّ وَسَلِّمْ عَلَى سَيِّدِنَا

مُحمّدٍ أشْرَفِ الْخَلِيْقَةِ عَجَبًا وَّعَرَبًا, وَأزْكَاهُمْ حَسَبًا وّنَسَبًا, وَعَلى أَلِهِ وَأصْحَابِهِ السَّادَةِ النُّجَبَا…. أمَّابَعْدُ:

عبادالله أوصيكم واياي بتقوالله ، وان أكرمكم عندالله أتقاكم

Jamaah shalat Jumah Rahimakumullah…

Dina hirup ieu, aya rupi-rupi cara jalmi nampi kana nikmat sareng ujian ti Allah… Aya anu nuju dipasihan nikmat ku Allah… syukur, aya oge anu khilaf. Aya anu nuju dipasihan ujian ku Allah… sabar, aya oge anu aral. Padahal saenyana nikmat sareng ujian ieu… Pasti dialaman ku sadayana jalmi di dunia. Bohong lamun dina hirup ieu Allah teu masihan nikmat sareng rezeki-Na ka urang.., tong boro-boro jalmi jiga urang anu dipaparin akal ku Allah, makhluk melata anu aya di bumi ieu, Allah pasti masihan rezekina..:

“Jeung moal aya hiji oge makhluk melata di bumi, anging Allah anu masihan rezekina, jeung Allah uninga tempat cicingna sareng tempat nyimpena. Sadayana tos ditulis di Lauhil mahfuzh.” (QS. Huud ayat 6)

Kitu oge sabalikna.. ulah waka ngaku urang iman ka Allah upami teu acan dipaparin ujian ku Allah…:

أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَْ

 “Naha jelema nyangka bakal diantepkeun saengges ngaku iman ka Allah, padahal manehna acan diuji..?“ [Al-Ankabut ayat 2]

Janten saenyana nikmat sareng ujian.. jiga dua mata koin anu ngahiji.. Moal tiasa  dipisahkeun… Anu bakal kaalaman ku sadayana jalmi anu hirup di dunia ieu. Walaupun tingkatana enkin benten-benten… Margi.. Allah mah maparin ujian ka jalmi… disesuaikeun sareng kamampuan jalmi dina ngajalanina…  لَا يُكَلِّفُ اللَّهُ نَفْسًا إِلَّا وُسْعَهَا

Ngan kadang nyaeta… Urang nembe ngaraos kengeng nikmat.. Upami tos kengeng naon anu dipikahoyong… Upami teu can kengeng naon anu dipikahoyong.. keukeuh ngarasa teu can kengeng nikmat ti Allah… Padahal.. Allah mah teu salamina masihan nikmat sesuai sareng naon anu dipikahoyong ku urang, Tapi… Allah pasti maparin nikmat sesuai sareng naon anu dibutuhkeun ku urang… Sabab Allah mah langkung uninga.. kana naon anu saenyana dipikabutuh ku urang… tah ieu namina konsep Ud’unii astajib lakum.

Janten Ud’unii astajib lakum teh.. sanes ngan saukur Allah ngaijabah sesuai sareng naon anu dipikahoyong ku urang.. Tapi Allah pasti ngaijabah doa.. sesuai sareng naon anu dibutuhkeun ku urang… Margi Allah mah Maha Uninga, Allah langkung Uninga kana naon anu dibutuhkeun ku urang…

Misalna urang ngadoa siang wengi hoyong gaduh mobil, mungkin Allah teu acan masihan jalan ka urang supaya tiasa meser mobil, tapi Allah ngarezekian ka urang supaya kengeng manfaat jiga anu gaduh mobil.. Misalna Allah ngarezekian urang tiasa ngarental mobil… atawa minimal tiasa naek angkot… manfaatna sami jiga anu gaduh mobil… naek mobil dugi ke tujuan… Malah langkung hemat.. Margi urang moal ngemutan biaya kangge mayar pajak tahunan, moal ngemutan biaya kangge meser oli, moal ngemutan biaya kangge meser ban atanapi kaluar acis kangge servis.. Janten urang kedah Husnudzan ka Allah… Sanes do’a urang teu dijabah… Tapi Allah langkung uninga kana naon anu dibutuhkeun ku urang…

Teras.. Kumaha atuh anu diajarkeun ku Rasulullah SAW nuju dipaparin Nikmat, sareng nuju dipaparin Ujian ku Allah… ? Saur Rasulullah SAW:

إِنْ أَصَابَتْهُ سَرَّاءُ شَكَرَ فَكَانَ خَيْرًا لَهُ وَإِنْ أَصَابَتْهُ ضَرَّاءُ صَبَرَ فَكَانَ خَيْرًا لَهُ

“Upami nuju kengeng keluasan nikmat, kalapangan rezeki.., syukur ka Allah, eta sae jang manehna. Sareng upami nuju kengeng ujian kasusah, rezeki hese.. maka sabar…, eta sae jang manehna.” (HR. Muslim)

Ieu dua hal anu diajarkeun ku Rasulullah SAW… Anu saenyana janten konci nikmatna hirup… Nyaeta syukur sareng sabar… Margi saenyana hirup ieu teh Heunteu tetep… atanapi berubah-ubah… Hirup teh muter jiga roda, kadang aya di luhur, kadang aya di handap… Kumargi kitu, upami ayeuna aya anu nuju di luhur, ulah sombong… margi sawaktu-waktu… tiasa wae Allah bakal nurunkeun anjeuna ka handap… Kitu oge upami ayeuna urang aya nuju di handap, ulah putus asa kana rahmatna Allah.. ulah pegat harepan.. terus ngadoa ka Allah supaya hiji waktu tiasa ditaekeun ka luhur ku Allah…

Janten anu kahiji………, Bersyukur nuju dipaparin nikmat… Kumaha Praktekna?  Bersyukur teh teu cekap ngan saukur ngaku dina hate.. yen segala nikmat anu tos paparin ka urang.. Eta dongkapna ti Allah… Teras ngucapkeun Alhamdulillah dina lisan… Atanapi tahadus bin nikmah… Tapi oge.. Kedah dibarengan ku fi’liyah-na… atawa praktekna… Nyaeta gunakeun sagala nikmat anu tos dipaparin Allah ka urang.. kana jalan atawa padamelan anu diridhai Allah SWT…

Misalna: dipaparin nikmat murangkalih…., murangkalih teh nikmat ti Allah… salah sahiji anu masih keneh tiasa masihan manfaat ka urang engkin saatos pupus nyaeta murangkalih..

إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له، رواه مسلم

Lamun anak Adam maot, maka pegat sagala amalan-na di dunia ieu… iwal ti tilu: Shadaqah jariah, ilmu anu diamalkeun… katilu ولد صالح يدعو له… murangkalih anu shaleh anu ngadoakeun sepuhna saatos pupus…

Janten.. Syukur teh.. teu cekap ngan saukur ngaku dina hate yen murangkalih eta karunia ti Allah… teras ngucapkeun Alhamdulillah dina lisan tos dipaparin murangkalih.., Tapi kedah dibarengan ku fi’liyah-na…. Nyaeta arahkeun murangkalih urang… kana jalan anu diridhai Allah SWT… Kumaha carana? Didik murangkalih urang ku ajaran agama… Leubetkeun murangkalih urang ka sakola-sakola agama…  Supaya engkin dewasana tiasa janten Waladun Shaalihun Yad’uu Lahu.... Murangkalih shaleh anu ngado’akeun sepuhna saatos pupus…. Ieu nembe namina bersyukur tos dipaparin nikmat murangkalih…

Pan ayeuna mah Pak.. Seueur sepuh anu langkung melang anak hayamna can mulang ka kandang beres maghrib, daripada melang anakna can uih dugi ka subuh.. Enya dina hate sareng lisan mah ngucapkeun “Alhamdulillah… Abdi tos dipaparin murangkalih ku Allah..” Tapi dina praktekna.. dina fi’liyah-na… justru mineung ngantepkeun anakna indit peuting, balik subuh, nongkrong di jalur.. gentayangan di kafe-kafe jeung diskotik komo bari mabok jeung kena narkoba… ieu berarti teu bersyukur dipaparin nikmat murangkalih ku Allah…

Padahal saur Allah dina Surat Ibrahim ayat 7, Laing syakartum la adzidannakum walaing kafartum innaa ‘adzaabii lasyadiid… Saur Allah… Lamun maraneh bersyukur… Maka bakal ditambah eta nikmat ku Kami…, Tapi lamun teu bersyukur…. maka bakal diganti eta nikmat jadi azab anu beurat..

Ieu peringatan ti Allah.. Urang kedah bersyukur dipasihan murangkalih.. carana tadi, didik murangkalih urang ku ajaran agama.. Janten-keun murangkalih urang murangkalih anu shaleh sareng shalehah… Maka janji Allah.. Allah pasti bakal nambihan rezeki ka sepuhna.. melalui eta murangkalih anu shaleh sareng shalehah..

Seueur cara Allah nambihan nikmat ka Sepuh Anu bersyukur.. Minimal murangkalih anu shaleh mah tara doraka kanu janten sepuh.. Hirupna pasti berbakti kanu janten sepuhna… Aya anu nga-angkatkeun sepuhna ibadah haji atanapi umrah… Aya oge murangkalih anu pang ngadamelkeun bumi kangge sepuhna.. Ieu diantarana cara Allah nambihan nikmat ka sepuh anu bersyukur dipaparin murangkalih…

Tapi sabalikna… upami teu bersyukur.. teu ngadidik murangkalih urang ku ajaran-ajaran agama, teras eta murangkalih dewasana janten baragajulan.. Tukang mabok, tukang rampok, tukang narik tali androk… ngedarkeun narkoba, resep judi jeung sajabana.. Maka ancaman Allah.. innaa ‘adzaabii lasyadiid… Allah bakal ngagentos nikmat murangkalih eta jadi adzab anu beurat…

Contohna seueur.. Aya sepuh anu dipaehan ku murangkalihna.. Aya sepuh anu dianiaya ku murangkalihna.. aya oge sepuh anu dirampok ku murangkalihna… aya oge sepuh anu digugat ku murangkalihna di pengadilan gara-gara masalah taneuh.. Ieu namina adzab anu beurat di dunia.. Teu acan engkin di Akhirat..

Di Akhirat, eta murangkalih bakal janten dodoja ka urang… anu bakal narik urang kana seuneu narakana Allah.. Upami nuju alitna eta murangkalih teu dibekelan ku ilmu agama.. Ari tos dewasa mah… Wios tanggungjawab murangkalihna nyalira.. Ngan keukeuh pola didik di waktu alit, eta bakal jadi cermin kahirupan murangkalih saatos dewasna..

Teras didikan naon anu kedah diajarkeun ka murangkalih.. Diantarana anu pang pentingna… nyaeta ngajarkeun natepan…

مُرُوْا أَبْنَائَكُمْ بِالصَّلَاةِ لِسَبْعِ سِنِيْنَ، وَ اضْرِبُوْهُمْ عَلَيْهَا لِعَشْرِ سِنِيْنَ

“Parentahkeun anak-anak anjeun Shalat dina umur tujuh taun.. lamun umur sapuluh taun can daek keneh shalat.. Maka hegae digebug kucara anu ngadidik..” sampeana atawa panangana.. (HR. Abu Daud jeung At-Tarmidzi)

Upami murangkalih tos didasaran ku shalat.. Komodeui Shalatna anu leres.. rukun sareng bacaana, bari tiasa diajarkeun khusu’ dina shalatna… Maka jaminan Allah dina surat Al-Ankabut ayat 45:

إِنّ الصَّلَاةَ تَنْهَى عَن اْلفَحْشَاءِ وَ اْلمُنْكَر

Shalat teh tiasa nyegah tina padamelan anu keji sareng munkar… Upami murangkalih tos dibentengan ku shalat.. Insya Allah bakal aya proteksi, aya benteng dina dirina nyalira.. Anu tiasa ngahindarkeun tina padamelan dosa sareng maksiat.. Boh dosa jeung maksiat ka Allah atanapi ka Rasulna.. Oge dosa jeung maksiat kanu janten sepuhna…

Para Bapak Jamaah Jumah Rahimakumullah…

Anu kadua.. Sabar nuju ditimpa ujian… Hirup ieu teu salamina indah atawa menyenangkan…. Resiko urang hirup nyaeta ujian… Sabab ulah waka ngaku urang iman ka Allah lamun teu acan diuji ku Allah..:

أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَْ

“Ulah boga sangka maneh kulantaran geus ngaku Iman ka Kami, terus ku Kami rek diantep moal diuji?” [QS. Al-Ankabut: 2]

Janten.. Saha wae jalmi anu hirup di dunia ieu pasti kengeng ujian… Bocorana aya dina Surat Al-Baqarah ayat 155 dugika ayat 157:

“Jeung saenyana kami rek mere ujian ka anjeun, kujalan rasa kasieun, rasa lapar, jeung kurangna harta, jiwa jeung buah-buahan. Maka bejaan khabar gembira ka jelema anu sabar, (155)

“(Nyaeta) jelema lamun keur ditimpa musibah, menehanana ngucapkeun: “Innaa lillahi wa innaa ilaihi raaji’uun”. (156)

Maka eta Jelema bakal meunang keberkahan anu sampurna, jeung rahmat ti Allah, jeung manehanana anu meunang petunjuk. (157)

Janten saha wae anu ayeuna nuju di timpa ujian ku Allah… bade bentukna sapertos anu dijelaskeun dina Surat Al-Baqarah ayat 155 tadi… Maka ucapkeun kalimat Istirja’ nyaeta Innalillahi wainnaa ilaihi raajiun.. Sabab kalimat isirja’ teh tiasa ngahibur hate urang anu nuju sedih… Ucapkeun dina lisan Innalillahi wainnaa ilaihi raajiun… keretegkeun dina hate.. Saenyana sadaya anu aya di dunia ieu milik Allah… jeung bakal uih deui ka pemilikna… insya Allah hate urang bakal janten langkung kuat..

Sareng deui urang kedah Husnudz Dzaan ka Allah.. Ulah Su’udz Dzan upami nuju dipasihan ujian ku Allah… Bentukna bade musibah atanapi naon wae anu teu dipikahoyong ku urang… Sabab tiasa jadi… Naon anu ku urang disebat musibah teh, saenyana eta kasaenan kangge urang.. Mung urangna teu uninga… Allah SWT ngajelaskeun dina surat Al-Baqarah ayat 216:

وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ

“Bisa jadi anjeun ijid ka hiji kajadian, padahal eta saenyana alus jang anjeun, jeung bisa jadi  anjeun resep ka hiji kajadian, padahal saenyana eta goreng jang anjeun; Allah mah Maha Uninga, anjeun teu uninga.” (QS. Al Baqarah: 216).

Janten Sabar sareng Husnudzan nuju ditimpa ujian… Yakin aya kasaean dibalik sagala ujian ti Allah… Upami urangna sabar.. Maka Allah ngajanjikeun bakal masihan kaberkahan sareng rahmatna anu sampurna… Sakumaha disebatkeun dina Surat Al-Baqarah ayat 157 tadi… Kaberkahan sareng Rahmat anu sampurna teh.. Saur sayidina Umar RA.. Eta pang sae-saena pahala di dunia ieu..

Terakhir… Allah moal mungkin dzalim ka hambana..  Upami misalna Allah nakdirkeun nu ieu mah miskin, nu ieu mah beunghar.. Eta sanes berati Allah dzalim… Tapi justru eta wasilah ka eta jalmi.. Naha nuju diuji ku kamiskinan sabar atawa henteu, upami sabar maka surga jaminana.. Teras anu benghar, naha nuju dipasihan kabengharan syukur atawa henteu? Upami syukur “Laidzidannakum” tapi upami teu syukur.. eta bakal janten wasilah ngengengkeun azabna Allah anu beurat “Innaa ‘adzaabi la sayadiid”…

بارك الله لي ولكم فى القران العظيم ونفعفى واياكم بما فيه من الايات والذكرالحكيم فاستغفروه انه هوالغفورالرحيم.

KHUTBAH TSANI

الحمد لله رب العالمين وبه نستعين على أمورالدنيا والدين . أشهد أن لااله الا الله وحده لا شريك له ألمالك الحق المبين. وأشهد أن محمدا عبده ورسوله ألصادق الوعدالأمين. صلاة وسلاما دائمين متلازمين على أشراف المرسلين. سيدنا محمد وعلى أله وأصحابه الطاهرين المكرمين (أمابعد) فيا احوانى رحمكم الله. أوصيكم واياي بتقوى الله وطاعته لعلكم تفلحون.

فقال الله تعالى فى كتابه الكريم أعوذباالله من الشيطان الرجيم : (من يتق الله يجعل له مخرجا ويرزقه من حيث لا يحتثب). ان الله وملا ئكته يصلون على النبي. ياأيهاالذين أمنوا صلوا عليه وسلموا تسليما. أللهم صل وسلم على سيد نا محمد وعلى أله وأصحابه والتابعين وتابع التابعين لهم باحسان الى يوم الد ين و علينا منهم ومعهم برحمتك يا أرحم الراحمين .

أللهم اغفرللمؤمنين والمؤمنات والمسلمين والمسلمات الأحياء منهم والأموات. اللهم أعزالاسلام والمسلمين وأهلك الكفرة والمشركين ولاتجعلناتحت أقدام المنافقين الفاسقين الظالمين. اللهم انصب فى بلادنا هذا اماما عادلا انك على كل شيء قدير. أللهم اجعلنا وأولادنا من أهل العلم والخير

ولا تجعلنا وأولادنا من أهل الشروالضير. ربنا أتنا في الدنيا حسنة وفي الاخرة حسنة وقنا عذاب النار. سبحان ربك رب العزة عما يصفون وسلام على المرسلين والحمدلله رب العالمين.

عبادالله….. ان الله يأمركم بالعدل والاحسان وايتاء ذى القربى وينهى عن الفخشاء والمنكروالبغي يعظكم لعلكم تدكرون ولذكرالله أكبر.