KAJIAN RUKUN ISLAM DAN RUKUN IMAN

KAJIAN RUKUN ISLAM DAN RUKUN IMAN
Oleh: Yudha H. Bhaskara, SHI
السلام عليكم ورحمة الله وبركاته
الحَمْدُلله الَّذِىْ جَعَلَ لِكُلِّ شَيءٍ سَبَبًا, فَاتَّبَعَ سَبَبًا, وَأنْزَلَ عَلَى عَبْدِهِ كِتَابًا عَجَبًا, فِيْهِ مِنْ كُل شَيْءٍ
حِكْمَةً وَّأًدَ بًا, وأًشْهَدُ أنْ لَااِلَه اِلااللهُ وَحْدَهُ لَاشَريْك لَهُ فِى مَمْلَكَتهِ وَلَا نَظِيْرَلهُ فِى ُربُوْبِيِّتِهِ. وأَشْهَدُ
أنَّ مُحَّمدًا عَبْدُهُ وَرَسُوْلُهُ بَيَّنَ مَعَالِمَ الِدّيْنِ وَهدَانَاالصِّرَاطَ الْمُسْتَقِيمَ. اَلَّلهُمَ فَصَلّ وَسَلِّمْ عَلَى سَيِّدِنَا
مُحمّدٍ أشْرَفِ الْخَلِيْقَةِ عَجَبًا وَّعَرَبًا, وَأزْكَاهُمْ حَسَبًا وّنَسَبًا, وَعَلى أَلِهِ وَأصْحَابِهِ السَّادَةِ النُّجَبَا…. أمَّابَعْدُ:
…رَبِّ اصْرَحْلِى صَدْرِى وَيَسِّرْلِى أَمْرِى وَاحْلُلْ عُقْدَةً مِنْ لِسَانِ يَفْقَهُوْا قَوْلِى
سُبْحَانَكَ لَاعِلْمَ لَناَ اِلَّامَاعَلَّمْتَنَا اِنَّكَ اَنْتَ الْعَلِيْمُ الْحَكِيْمِ

Para Bapak Jamaah Masjid Al-Istiqamah anu dirahmati Allah SWT
Alhamdulillah… dina wengi ieu urang sadayana masih keneh dipaparin nikmat yuswa, nikmat sehat terutama nikmat hidayah ku Allah SWT.. Dugika tiasa hadir deui di pangaosan mingonan di Masjid Al-Istiqamah anu insya Allah dirahmati Allah SWT, mugia pangaosan urang ieu sing dijantenkeun pembuka kana Hidayah-Na Allah SWT… sareng tiasa ningkatkeun kataqwaan urang ka Allah SWT… Mugia tiap langkah para bapak ti bumi ka ieu masjid, anu caketna, anu tebihna sing dijantenkeun pahala ku Allah… Sareng digampilkeun jalan para Bapak lebet ka surgana.. Amin…:
مَنْ سَلَكَ طَرِيقًا يَلْتَمِسُ فِيهِ عِلْمًا سَهَّلَ اللَّهُ لَهُ بِهِ طَرِيقًا إِلَى الْجَنَّةِ
“Sing saha anu papah angkat milarian ilmu, maka bakal digampilkeun ku Allah jalan ka Surgana.” (HR Muslim, 2699)
Sateuacan dikawitan.. Pribados bade nyunkeun hapunten… Bilih salami ieu seueur kalepatan… Boh anu karaosna, komodeui anu teu karaosna… Margi jalmi mah sanes malaikat anu salamina leres… Katambih ayeuna pribados tos rada mineng nyarios… makin seueur nyarios… makin seueur anu bakal dipertanggungjawabkeun engkin di akhirat ku pribados … Kumargi kitu… Meumpeung ayeuna masih keneh dipaparin waktos ku Allah kangge nyungkeun hapunten… Pribados bade nyungkeun dihapunten… Ulah dienjingkeun bilih kabujeung ngantunkeun… kitu oge sawangsulna para Bapak teu kedah nyungkeun… Insya Allah ku pribados tos dihapunten…
Para Bapak Jamaah Masjid Al-Istiqamah Rahimakumullah….

Mangga urang kawitan… pembahasan wengi ieu… Insya Allah… kakait Rukun Islam sareng rukun Iman… Anu ngabentenkeun kayakinan urang sareng kayakinan aliran sempalan dina Islam, anu ayeuna rame deui… Urang kawitan ku hiji hadits anu dongkapna ti Sayidina Umar ra..

عَنْ عُمَرَ بْنِ الْخَطَّابِ -رضي الله عنه- قَالَ: بَيْنَمَا نَحْنُ عِنْدَ رَسُولِ اللَّهِ -صلى الله عليه وسلم- ذَاتَ يَوْمٍ إِذْ طَلَعَ عَلَيْنَا رَجُلٌ شَدِيدُ بَيَاضِ الّثِيَابِ شَدِيدُ سَوَادِ الشَّعَرِ لاَ يُرَى عَلَيْهِ أَثَرُ السَّفَرِ وَلاَ يَعْرِفُهُ مِنَّا أَحَدٌ حَتَّى جَلَسَ إِلَى النَّبِىِّ -صلى الله عليه وسلم- فَأَسْنَدَ رُكْبَتَيْهِ إِلَى رُكْبَتَيْهِ وَوَضَعَ كَفَّيْهِ عَلَى فَخِذَيْهِ
Ti Umar ibnul Khattab ra.. Dina hiji waktu Sayidina Umar calik sareng Rasulullah SAW.. Dongkap hiji jalmi nganggo acuk anu kacida bodasna.. sareng rambutna kacida hideungna.. Teu katingali di eta jalmi ciri-ciri anu nembe angkat-angkatan tebih, teu aya kesangan, teu aya kekebul dina acukna.. Sadayana sahabat anu hadir nalika harita.. teu aya hiji oge anu kenal sareng eta jalmi.. jalmi ieu ujug-ujug calik dipayuneun Nabi SAW… Nganteulkeun tuurna ka tuur kanjeung Nabi SAW… sareng dua panangan-nana disimpen di luhureun pingping Nabi SAW.. Sakumaha jalmi anu tos akrab pisan..

وَقَالَ: يَا مُحَمَّدُ أَخْبِرْنِى عَنِ الإِسْلاَمِ… فَقَالَ رَسُولُ اللَّهِ – صلى الله عليه وسلم –الإِسْلاَمُ أَنْ تَشْهَدَ أَنْ لاَ إِلَهَ إِلاَّ اللَّهُ وَأَنَّ مُحَمَّدًا رَسُولُ اللَّهِ وَتُقِيمَ الصَّلاَةَ وَتُؤْتِىَ الزَّكَاةَ وَتَصُومَ رَمَضَانَ وَتَحُجَّ الْبَيْتَ إِنِ اسْتَطَعْتَ إِلَيْهِ سَبِيلاً. قَالَ صَدَقْتَ… قَالَ فَعَجِبْنَا لَهُ يَسْأَلُهُ وَيُصَدِّقُهُ.

Teras ieu jalmi naros ka Rasulullah SAW.. “Hei, Muhammad!”… Sahabat kaget deui.. Margi tara-tara tisasari aya jalmi dongkap ka Rasulullah langsung nyebat namina.. Biasana para sahabat nyebat kanjeung Nabi Muhammad SAW teh… ku sebatan “Ya, Rasulullah..” Naros eta jalmi” Bejaan ka kaula naon ari Islam?” Diwaler ku Rasulullah SAW: “Islam teh nyaeta, anjeun nyaksian teu aya Pangeran anu kudu disembah iwal ti Allah, jeung saenyana Muhammad Rasulna Allah, ngadirikeun shalat, puasa di bulan ramadhan, jeung haji ka Baitullah lamun anjeun mampu ngalakukeuna..” Ieu jalmi ngawaler, “Anjeun leres Muhammad..” Sahabat langkung heran, naha ieu jalmi teh.. ongkoh naros… Tapi ngaenyakeun kana jawaban Rasul.. jiga anu tos uninga kana naon anu bade dijawab ku Rasulullah SAW..

قَالَ فَأَخْبِرْنِى عَنِ الإِيْمَانِ. قَالَ ( أَنْ تُؤْمِنَ بِاللَّهِ وَمَلاَئِكَتِهِ وَكُتُبِهِ وَرُسُلِهِ وَالْيَوْمِ الآخِرِ وَتُؤْمِنَ بِالْقَدَرِ خَيْرِهِ وَشَرِّهِ) قَالَ صَدَقْتَ…
Teras ieu jalmi naros deui.. “Bejaan ka kuring naon ari Iman?”.. Rasulullah ngawaler: ”Iman teh nyaeta, anjeun iman ka Allah, iman ka malaikat Allah, iman ka kitab-kitab Allah, iman ka Rasul-rasul Allah, iman ka Poe Kiamat, jeung Iman kana Takdir sae awona eta ti Allah..” Jalmi ieu nyarios deui..: “Anjeun leres..”

قَالَ فَأَخْبِرْنِى عَنِ الإِحْسَانِ. قَالَ « أَنْ تَعْبُدَ اللَّهَ كَأَنَّكَ تَرَاهُ فَإِنْ لَمْ تَكُنْ تَرَاهُ فَإِنَّهُ يَرَاكَ

Jalmi ieu naros deui, ”Bejaan ka kuring naon ari Ihsan?” Diwaler ku Rasulullah SAW, “ Ihsan teh nyaeta, anjeun ibadah ka Allah kudu jiga anjeun ningali Allah, lamun anjeun teu tiasa ningali Allah, maka saenyana Allah ningali ka anjeun..” ieu Haditsna panjang.. anu salajeungkangge mempersingkat waktu.. Urang bacakeun terjemahna..

قَالَ فَأَخْبِرْنِى عَنِ السَّاعَةِ. قَالَ « مَا الْمَسْئُولُ عَنْهَا بِأَعْلَمَ مِنَ السَّائِلِ ».
قَالَ فَأَخْبِرْنِى عَنْ أَمَارَتِهَا. قَالَ « أَنْ تَلِدَ الأَمَةُ رَبَّتَهَا وَأَنْ تَرَى الْحُفَاةَ الْعُرَاةَ الْعَالَةَ َرِعَاءَ الشَّاءِ يَتَطَاوَلُونَ فِى الْبُنْيَانِ
Jalmi ieu naros deui, “iraha datangna poe Kiamat?”, Diwaler ku Rasulullah SAW, “Anu ditaros moal langkung uninga tibatan anu naros.” Saur eta jalmi “Lamun kitu bejaan ka kuring tanda-tanda Kiamat!” Rasulullah ngawaler, “Tanda Kiamat teh lamun budak awewe geus ngalahirkeun anu jadi Tuan-na, lamun anjeun geus ningali jelema miskin nepika teu make sendal jeung baju, jeung lamun tukang ngangon domba geus paheula-heula ngadirikeun bangunan anu anggreng jeung luhur.”
قَالَ ثُمَّ انْطَلَقَ فَلَبِثْتُ مَلِيًّا ثُمَّ قَالَ لِى « يَا عُمَرُ أَتَدْرِى مَنِ السَّائِلُ ». قُلْتُ اَللَّهُ وَرَسُولُهُ أَعْلَمُ. قَالَ « فَإِنَّهُ جِبْرِيلُ أَتَاكُمْ يُعَلِّمُكُمْ دِينَكُمْ

Saaotos kitu.. eta jalmi langsung angkat.. Sayidina Umar sareng sahabat sanesna olohok.. ningali eta jalmi anu teu kanyahoan timana dongkapna jeung ujug-ujug angkat.. Dugika Rasulullah SAW naros ka Sayidina Umar: “Hei Umar, naha anjeun apal saha anu dongkap tadi?” Sayidina Umar ngawaler: “Allah sareng Rasul-Na anu langkung uninga..” Maka saur Rasulullah SAW: “Tadi teh nyaeta Jibril anu dongkap ngajarkeun ka urang sadayana kakait agama urang..”
Takhrij Haditsna:
diriwayatkeun ku Imam Muslim dina shahih Muslim (1/28, no: 102) Imam Abu Dawud dina sunan Abu Dawud (no.4696) tina sanad Yahya bin Ya’mar ti Abdullah bin Umar ti Umar bin Khattab radhiyallahu ‘anhuma…

Aya opat ajaran dina hadits ieu, Kahiji Rukun Islam, Kadua Rukun Iman, Katilu Ihsan, Kaopat Tanda Kiamat.. Dina pangaosan wengi ieu insya Allah urang bahas Ajaran anu kadua nyaeta Rukun Iman… Sakantenan urang bandingkeun sareng rukun Iman sekte sempalan dina Islam anu ayeuna rame deui di Indonesia.. Urang buka saalit… yen, perbedaan antara Islam sareng sekte sempalan anu ngaku Islam teh… sanes ngan saukur perbedaan dina masalah Furu’iyyah.. sakumaha perbedaan pendapatna Imam Madzhab anu opat… Maliki, Hanafi, Syafi’i sareng Hambali…

Furu’iyyah mah teu nanaon benten oge… anu penting aya dalil Syar’i anu ngalandasan kana eta perbedaan…. Ikhtilaaful ‘Ulamaa Rahmatun.. “Perbedaan pendapat di kalangan Para Ulama… justru janten rahmat ka urangna”… Urang janten seueur pilihan dina ngalakukeun ibadah… Tapi upami perbedaan-na tos lebet kana masalah Ushuul… Kana masalah pokok-pokok agama sapertos Rukun Islam sareng Rukun Iman…. Maka wajar upami MUI ngafatwakeun sesat sekte sempalan dina Islam ieu… Malah sanes MUI hungkul… Ku para Sahabat Rasulullah SAW… sekte ieu oge tos difatwakeun “Sesat”… Kapungkur mah di jaman Sahabat… Sekte ieu namina teh Rafidhah… Ayeuna mah sueuer sebatana, tapi ajaran sareng kayakinan-na sami wae sareng Rafidhah…

Penting pisan diuninga… ajaran sareng kayakinan sekte ieu… Supados urang teu katipu… Margi sekte ieu teh ngagunakeun cara Tipa-tipu anu disebat “Taqiyyah”… Nyaeta Nyumputkeun kayakinan aslina ameh katingali jiga sami jeung urang… Padahal supaya tiasa nipu jalmi anu awam… Engkin lalaunan bakal ngarusak kana naon anu tos diajarkeun ku Rasulullah SAW… sareng anu diajarkeun ku Khulafaur Rasyidin oge para Sahabat…

Ieu tos diperingatkeun ku Rasulullah SAW ti kapungkur:
سَيَأتِىْ مِنْ بَعْدِى قَوْمٌ لَهُمْ نَبْزٌ يُقَاُل الرَّافِضَةْ، فَاِذَا أَدْرَكْتَهُمْ فَاقْتُلْهُمْ فَاِنَّهُمْ مُشْرِكُوْنْ. يَنْتَحِلُوْنَ حُبّ أَهْل البَيْتْ وَلَيْسُوا كَذَلِكْ، وَأيَةُ ذَلِكْ أَنَّهُمْ يَسُبُّوْنَ اَبَابَكَروَعُمَر

“Bakal dongkap saatos kuring teu aya, hiji golongan anu disebut Rafidhah (Syiah). Lamun anjeun pendak jeung manehna, maka musuhan sabab manehna jelema musyrik. Manehna pura-pura nyaah ka Ahlul Bait, padahal henteu. Diantara tanda tandana, manehna resep nyawad Abu Bakar jeung Umar. (HR. Ahmad dan Addharuquthni)

Diantara tanda-tandana Rafidhah teh osok resep nyawad para sahabat dugika wantun ngamurtadkeun para sahabat… Padahal dina hadits anu diriwayatkeun ku Abu Daud sareng At-Turmudzi Rasulullah SAW tos ngawanti-wanti:

وَاِنَّهُ مَنْ يَعِشْ مِنْكُمْ فَسَيَرَى اِخْتِلَافًا كَثِيْرًا, فَعَلَيْكُمْ بِسُنَّتيِ وَسُنَّةِ الْخُلَفَاءِالرَّاشِدِيْنَ عَضُّوْا عَلَيْهَا بِالنَّوَاجِذِ
“Jeung saenyana sing saha anu umurna panjang, maka bakal ningali seueur perbedaan pendapat dina masalah agama. Maka ngandika Rasulullah SAW: “Anjeun kudu uih deui ka Sunnah kuring… Sareng Sunnah Khulafaur Rasyidin, gegel sakuat-kuatna dua Sunnah eta..”
Bakating kedah dipertahankeuna Sunnah Rasul sareng Sunnah Para Sahabat dugika Rasulullah SAW ngagunakeun kalimatna oge… عَضُّوْا عَلَيْهَا بِالنَّوَاجِذِ gegel sakuat-kuatna dua Sunnah eta… Margi sekte ieu teh bahaya pisan… ayeuna hungkul katingalina jiga bageur… upami tos kuat karak bakal katingali sifat “Aslina”… sapertos anu terjadi ayeuna di Suriah…Ngarasa teu dosa ngabantai saha wae jalmi Muslim diluar kayakinan-na… Bade sepuh, murangkalih, istri pamegeut dugika orok dibantai ku sekte ieu…

Para Bapak Jama’ah Masjid Al-Istiqamah Rahimakumullah…

Jelas pisan dina hadits ti Umar bin Khattab tadi… Rukun Islam sareng Rukun Iman teh… diajarkeun langsung ku Jibril ka Rasulullah SAW… Dipayuneun para Sahabat… Moal samata-mata Jibril turun ka Bumi upami teu diutus ku Allah SWT… Hartosna… Rukun Islam sareng Rukun Iman teh tos ditentukeun ku Allah kedah kitu… Sanes dadamelan Jalmi, sanes oge lulucon anu tiasa dirobih-robih sakadaekna… Rukun Islam aya lima nyeta:
أَنْ تَشْهَدَ أَنْ لاَ إِلَهَ إِلاَّ اللَّهُ وَأَنَّ مُحَمَّدًا رَسُولُ اللَّهِ وَتُقِيمَ الصَّلاَةَ وَتُؤْتِىَ الزَّكَاةَ وَتَصُومَ رَمَضَانَ وَتَحُجَّ الْبَيْتَ إِنِ اسْتَطَعْتَ إِلَيْهِ سَبِيلاً

“Anjeun nyaksian teu aya Pangeran anu kudu disembah iwal ti Allah, jeung saenyana Muhammad Rasulullah (Utusan Allah), ngadirikeun shalat, puasa di bulan ramadhan, sareng haji ka Baitullah lamun anjeun mampu ngalakukeuna….. Benten sareng Rafhidah.. Rafidhah mah… Kahiji, Shalat.. Kadua, Puasa… Katilu, Zakat… Kaopat, Haji… Kalima, Al-Wilayah… Janten teu aya Sayahadatan… Padahal moal waka disebut Muslim lamun acan ngucapkeun Dua Kalimah Syahadat…

Teras rukun Iman… Sakumaha anu diajarkeun Jibril tadi… aya genep, nyaeta:

أَنْ تُؤْمِنَ بِاللَّهِ وَمَلاَئِكَتِهِ وَكُتُبِهِ وَرُسُلِهِ وَالْيَوْمِ الآخِرِ وَتُؤْمِنَ بِالْقَدَرِ خَيْرِهِ وَشَرِّهِ
“Iman ka Allah, iman ka malaikat Allah, iman ka kitab-kitab Allah, iman ka Rasul-rasul Allah, iman ka Poe Kiamat, sareng Iman kana Takdir sae awona eta ti Allah…. Benten sareng Rafhidah… Rukun Iman-na teh ngan Lima.. Kahiji Tauhid, Kadua Nubuwwah, Katilu Imamah, Kaopat Al-‘Adlu, Kalima Al-Ma’ad..

Urang rinci hiji-hiji Rukun Iman ieu…, supados kabuka perbedaan antara Rukun Iman Urang sareng Kayakinan aliran sempalan anu tos difatwakeun sesat ku MUI:

Kahiji, أَنْ تُؤْمِنَ بِاللَّهِ Iman ka Allah… Urang kedah percaya heula بِوُجُوْدِهِ Percana kana ayana Allah.. Ayana makhluk.. Ayana alam semesta, ayana urang.. berarti aya anu nyiptakeun nyaeta Allah… وَرُبُوبِيَّتِه …Percaya Allah hiji-hijina anu nyiptakeun urang, ngahirupkeun urang, ngamaotkeun sareng anu ngarezekian urang… ….وَأُلُوْهِيَّتِهِ. Urang oge percaya kana Ka-pangerana Allah.. kana Ka-Tuhanan-na Allah… teu aya Ilah anu kedah disembah.. anu kedah di-ibadahan.. iwal ti Allah hiji-hijina… وَوَحْدَانِيَّتِه …Urang percaya kana ka-Esaan Allah.. ka-Maha Tunggalan Allah.. Allah hiji-hijina nu ngagaduhan surga jeung naraka… وَاَنّهُ مُتَّصِفٌ بِكُلِّ كَمَالٍ Urang oge percaya Allah teh disifatan ku sifat-sifat kasempurnaan anu teu aya batasna.. وَمُنَزّهٌ عَنْ كُلِّ نَقْصٍ و مُحَاٍل Urang oge percaya Allah Maha Suci… tina sifat kurang jeung sifat mustahil ka Allah..

Beda sareng Rafhidah, dina kitab anu namina..عِلَلُ الشَّرَائِع halaman 196 katerangan nomer 4, nyebutken yen Ali teh pemilik surga jeung naraka. Dina kitab eta disebutkeun.. Ali bebas ngasupken saha wae anu dipikahoyongna ka surga, jeung bebas ngasupken saha wae anu dipikahoyongna kana naraka, katerangana kieu:

هَذَاعَلِى اْبنُ أَبِي طَاِلبِ صَاحِبُ الجَنّةَ، يَدْخُلُ الجَنّةَ مَنْ يَشَاءُ وَيَدْخُلُ النّارَمَنْ يَشَاءُ

Katerangan anu sami oge aya dina kitab sanesna.. anu namina بَصَائِرُالدَّرَجَات halaman 235… Anu langkung parah deui aya dina kitab sejen aliran Rafhidah ieu anu naminaكَسْفُ اليَقِيْنُ karangan Al-Hulli halaman 8 nyebutken :

أَقْسَمْتُ بِعِزَّتِي أُدْخِلَ الجَنّةَ مَنْ أَطَاعَهُ وَإِنْ عَصَانِي . وَأَقْسَمْتُ بِعِزّتِي أَدْخِلَ النّارَ مَنْ عَصَاهُ وَإنْ أطَاعَنِي

Dina eta kitab.. “Sing saha anu maksiat ka Allah, tapi taat ka Ali, maka moal nanaon cenah.. Allah tetep bakal ngasupken manehna ka surga… Tapi sing saha anu taat ka Allah tapi maksiat ka Ali, maka ceuk Rafhidah mah.. bakal diasupken kana naraka.” Berarti Rafhidah mah mendingan keneh doraka ka Allah tibatan ka Ali.. Anu hartosna derajat Ali langkung luhur tibatan Allah..

Ieu bentena-na Allah-na urang sareng Allah-na Rafhidah.. Dina ajaran anu diyakini ku urang… Anu tos diajarkeun ku para ulama di pasantren-pasantren.. Allah teh moal tiasa dibandingkeun sareng saha oge makhluk sanajan Ali..:
لَيْسَ كَمِثْلِهِ شَيْءٌ وَهُوَالسَّمِيْعُ اْلبَصِيْرُ

“Teu aya hiji oge anu bisa nyarupaan Allah…, jeung Allah Maha Nguping sareng Maha Ningali” (QS. Asy-Syura ayat 11)

Oge dina surat Al-Ikhlas ayat 4:
وَلمْ يَكُنْ لَهُ كُفْوًا أَحَد
“Jeung moal aya hiji oge anu bisa satara, sabanding, sajajar jeung Gusti Allah”

Tapi omat… Ulah gara-gara nguping ieu urang janten ijid ka Sayidina Ali Karramahullahu wajhah… Sayyidina Ali mah teu pernah ngajarkeun Aqidah kamusyrikan, teu pernah mengkolkeun kayakinan ka Esaan Allah, ka Maha Tunggalan Allah, dugika tiasa disajajarken sareng makhluk… Bari ayeuna mah dibungkus ku kedok pura-pura cinta ka para Ahlul Bait… Keturunan Rasulullah SAW…

Padahal justru di tanggal 10 Muharram tahun 61 Hijriyah (ayeuna mah disebatna dintenan Asyuraa), sayyidina Husein cucu Rasulullah SAW anu diundang ku Rafhidah di Kufah… dijanjian bade ditulungan… Justru di Karbala, dibunuh ku aliran Rafhidah… ieu tos diakui dina kitab-kitab Rafhidah diantarana dina kitab Malhamatul Husainiyyah Jilid 1 Halaman 126 karangan Murtadha Muthahhiri –filosof Rafhidah- kita Al-Ihtijaj halaman 10 karangan Ath-Thabarsi, kitab Al-Irsyad karangan Al-Mufid sareng sajabina…

Janten Sayidina Ali teu pernag ngajarkeun Aqidah model kitu… Dijelaskeun dina kitab Fathul Barri karya Imam Ibnu Hajar Al-Asqalani… Di taun 36 Hijriyah, aliran model Rafhidah ieu, kapungkur mah namina Saba’iyyah… Sujud ka Sayyidina Ali ngucapken yen Ali teh Allah… Maka dibeuleum hirup-hirup ku Sayyidina Ali sabab dipiwarang taubat teu kersauen… terus nganggap Ali teh Allah, maka Sayyidina Ali nyariso kieu:

“ Cilaka anjeun, kuring ngan saukur hamba jiga anjeun. Kuring dahar sakumaha anjeun dahar, kuring nginum sakumaha anjeun nginum. Lamun kuring taat ka Allah, maka Allah bakal mere pahala lamun Allah kersa. Jeung lamun kuring maksiat, maka Allah bakal nga-adzab kuring. Maka gewat anjeun balik deui taqwa ka Allah.” Kumargi teu kersa taubat… Maka dibeuleum ku Sayidina Ali…
Urang mah salaku Ahlus Sunnah Wal Jamaah hormat sareng ngamulyaken Sayyidina Ali teh sakumaha urang ngahormati sareng ngamulyakeuna Sayyidina Abu Bakar, Umar sareng Ustman radhiyallahu ‘anhum. Teu kirang teu langkung. Ali teh makhluk na Allah, sanes sajajar atanapi sabanding komodeui langkung luhur ti Allah…

Kadua iman ka Para Malaikat, saha Malaikat teh? أَجْسَامٌ نُوْرَاِنيَّة هُمْ Malaikat teh makhluk anu sifatna cahaya, upami jin, syaitan, iblis asalna tina seuneu.. jalmi asalna tina taneuh.. Malaikat mah asalna tina cahaya.. قَادِرُوْنَ عَلَى التَّشَقُّلِ بِأَشْقَاِل اْلمُخْتَلِفَة .. Malaikat oge.. dipasihan kamampuan ngarubah bentuk anu benten-benten.. Tergantung parentah ti Allah.. Sapertos Malaikat Jibril tadi.. nyarupaan jalmi anu ujug-ujug dongkap ka Rasulullah SAW ngangge acuk anu kacida bodasna, sareng rambut anu kacida hideungna… Di sakurilingeun urang oge saenyana aya malaikat Pak… ngan soca dhahir urang teu ningali.. Saur Rasulullah SAW:

وَمَا اجْتَمَعَ قَوْمٌ فِي بَيْتٍ مِنْ بُيُوتِ اللَّهِ يَتْلُونَ كِتَابَ اللَّهِ وَيَتَدَارَسُونَهُ بَيْنَهُمْ إِلَّا نَزَلَتْ عَلَيْهِمُ السَّكِينَةُ وَغَشِيَتْهُمُ الرَّحْمَةُ وَحَفَّتْهُمُ الْمَلَائِكَةُ وَذَكَرَهُمُ اللَّهُ فِيمَنْ عِنْدَهُ
”Jeung moal samata-mata jalmi anu ngariung ngumpul di masjid anu kalebet masjid Allah, dieusian ku maraca Al-Quran sareng sili ngajarkeun diantara manehna, iwal ketenangan bakal diturunkeun ka para jalmi anu aya di lebetna, rahmat Allah nyimutan manehna, sareng malaikat ngurilingan ka sadaya jalmi anu aya di eta tempat, bari bakal disebut-sebut ku Allah dipayuneun (para malaikat) anu aya di sakuriling Allah.” [HR Muslim, 2699]….. Janten di sakurilingeun urang teh aya Malaikat Pak… Ngan teu katingali ku soca urang…

Malaikat oge tiasa nyarupaan pasukan tentara… Dugi ka ayeuna masih sering kajantenan di Palestina, tentara Israel osok ningali aya pasukan tentara anu nganggo acuk bodas anu ngan katingali ku tentara Israel… Ti jaman Rasulullah SAW oge tos ditingalikeun ku Allah ayana Malaikat anu nyarupaan pasukan tentara… Dina hadits ti Sa’ad bin Abi Waqash anu diriwayatkeun ku Imam Bukhari disebatkeun:

عَنْ سَعْدِ بْنِ أَبِي وَقَّاصٍ رَضِيَ اللَّهُ عَنْهُ قَالَ رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَوْمَ أُحُدٍ وَمَعَهُ رَجُلَانِ يُقَاتِلَانِ عَنْهُ عَلَيْهِمَا ثِيَابٌ بَيْضٌ كَأَشَدِّ الْقِتَالِ مَا رَأَيْتُهُمَا قَبْلُ وَلَا بَعْدُ

“Ti Sa’ad bin Abi Waqash ra. “Nalika Perang Uhud, kuring ningali Rasulullah SAW direncangan ku dua pemeget anu ngiring perang, duanana ngangge acuk bodas, jiga singa anu nuju perang, kuring teu pernah ningali dua pameget eta sa-acan sareng sa-atos perang.”

Janten Malaikat teh tiasa sawaktu-waktu diturunkeun ka Bumi ku Allah… Kangge ngabantuan jalmi anu tos dipilih ku Allah SWT… Tapi kade… Malaikat teh diciptakeun sanes kangge ngabantuan Allah, leres tiasa ngabantuan jalmi mah… Ngan kedah dilereskeun.. Malaikat diciptakeun sanes kangge ngabantuan Allah.. margi Allah mah teu peryogi kana bantuan makhluk.. Allah mah disifatan ku sifat ﻗِﻴَﺎﻣُﻪُ ﺑِﻨَﻔْﺴِﻪِ.. teu peryogi kana bantuan anu sanes..

۞ …..ۖ وَاللَّهُ هُوَ الْغَنِيُّ الْحَمِيدُ۞ إِنْ يَشَأْ يُذْهِبْكُمْ وَيَأْتِ بِخَلْقٍ جَدِيدٍ۞ وَمَا ذَٰلِكَ عَلَى اللَّهِ بِعَزِيزٍ۞

“Jeung saenyana Allah Maha beunghar teu butuh naon oge, tur Maha terpuji. 15 Lamun Allah kersa, maka Allah bakal ngabinasakeun sadayana, terus nyiptakeun makhluk anu anyar. 16 Sabab anu kitu teh gampil pisan kangge Allah.17”(QS. Fatir 15-17)

Ieu kedah dilempengkeun… Upami aya pemikiran Malaikat diciptakeun kangge ngabantuan Allah.. Berarti Allah disifatan ku sifat makhluk nyaeta.. ﻗِﻴَﺎﻣُﻪُ ﺑِﻐَﻴْﺮِﻩِ … peryogi kana bantuan anu sanes.. padahal eta teh sifat mustahil Allah… Janten anu leres mah… Malaikat diciptakeun ku Allah kangge “ngalaksanakeun parentah Allah”.. Margi malaikat mah..وَاَنّهُمْ عِبَادٌ مُكْرَمُوْنَ …hamba-hamba anu dimuliakeun ku Allah, sabab.. لَايَعْصُوْنَ اللهَ مَا أَمَرَهُمْ وَيَعْمَلُوْنَ مَا يُؤْمَرُوْنَ Tara pernah maksiat kana naon wae anu diparentahkeun ku Allah.. Sareng pasti midamel kana naon wae anu dipiwarang ku Allah…

Ieu bentena urang sekte Rafhidah.. Upami dina Rafidhah mah aya kayakinan.. Malaikat teh cenah teu taat ka Allah.. Dugika malaikat Jibril oge cenah pahili masihkeun wahyu ti Allah.. anu kedahna ka Sayidina Ali malah ka Nabi Muhammad SAW… Benten sareng urang… Pami urang mah yakin Malaikat teh.. لَايَعْصُوْنَ اللهَ مَا أَمَرَهُمْ وَيَعْمَلُوْنَ مَا يُؤْمَرُوْنَ “Tara pernah maksiat kana naon wae anu diparentahkeun ku Allah.. Sareng pasti midamel kana naon wae anu dipiwarang ku Allah…” Tapi Rafhidah mah benten.. Malaikat Jibril teh cenah khianat ka Allah.. خَانَ اْلأَمِيْنُ وَصَدّهَا عَن حَيْدَرَةٍ “Geus khianat Jibril ngahalangan ti Haidaroh Ali”… Makana saur Rafhidah mah wahyu teh kedahna turuna ka Ali sanes ka Rasulullah SAW..

Ieu anu ngabentenkeun Allah-na urang.. sareng Allah-na Rafhidah.. Allah urang mah moal tiasa dibobohong komodeui dikhianatan ku Malaikat, Allah-na Rafhidah mah tiasa dibohongan sareng dikhianatan ku Malaikat.. Sabab Rafhidah mah yakin malaikat Jibril tos khianat.. pahili masihan wahyu anu cenah kedahna kangge Sayidina Ali.. Malah diturunkeun ka Nabi Muhammad SAW.. Anu hartosna Allah-na Rafhidah mah teu sampurna margi tiasa dibohongan sareng dikhianatan ku makhluk.. Ujung-ujungna Malaikat Jibril dimusuhan ku Rafhidah mah.. Sabab dianggap khianat teu masihkeun wahyu ka Sayidina Ali.. Padahal dina Qur’an dijelaskeun ku Allah..:

۞ بِإِذْنِ اللّهِ مُصَدِّقاً لِّمَا بَيْنَ يَدَيْهِ وَهُدًى وَبُشْرَى لِلْمُؤْمِنِينَ مَن كَانَ عَدُوّاً لِّجِبْرِيلَ فَإِنَّهُ نَزَّلَهُ عَلَى قَلْبِكَ قُلْ

“Ucapkeun Muhammad: Sing saha anu ngajadikeun Jibril musuh, Saenyana Jibril tos nurunkeun Al-Quran ka hate anjeun.. kalayan izin Allah, Supaya tiasa ngabenerkeun kitab-kitab anu sa-acana, jeung kangge dijadikeun petunjuk sareng kabungah kangge jalmi anu iman.” (QS. Al-Baqarah ayat 97)

Janten Iman ka Malaikat teh… Kedah yakin dina manah urang… Malaikat makhluk anu dimuliakeun ku Allah… Anu moal tiasa bohong komodeui khianat ka Allah.. Sabab malaikat mah imana teh لَايَزِيْدُوَلَايَنْقُصُ Moal nambahan jeung moal ngurangan… Janten moal mungkin malaikat Khianat ka Allah.. لَايَعْصُوْنَ اللهَ مَا أَمَرَهُمْ وَيَعْمَلُوْنَ مَا يُؤْمَرُوْنَ..

Teras aya sabaraha jumlah malaikat teh? لَايَعْلَمُ عَدَدَهُمْ اِلَّاالله Teu aya anu uninga jumlahna anging Allah… Ari anu 10 mah ngan saukur nami-nami malaikat anu wajib diuninga ku urang.. Sanes berarti jumlah malaikat ngan aya sapuluh.. Upami malaikat ngan aya 10.. karunya ka Malak Izrail atawa Malakul Maut.., upami aya bencana alam.. Pabeulit engkin nyabut nyawana, sapertos nuju Tsunami di Aceh taun 2004 kapungkur, dina sahari aya 230 rebu jalmi anu maot.. Upami malaikat Izrail ngan hiji.. Bade kumaha coba nyabut nyawana?

Jumlah malaikat teh seueur pisan moal kaetang.. Anging Allah anu uninga.. Dina perang Badar di jaman Rasulullah SAW… Sakali Allah nurunkeun malaikat… jumlahna 5.000 malaikat… kangge nulungan Rasulullah SAW.. Mangga dibaca dina Surat Ali-Imran Ayat 124 dugika 129.. Sakali nurunkeun malaikat jumlahna 5.000 malaikat.. Berarti jumlah Malaikat teh seueur moal kaetang.. Anging Allah anu uninga..

Katilu nyaeta Iman kana Kitab-kitabna Allah.. Kumaha percaya kana Kitab-kitabna Allah teh? Nyaeta percaya jeung yakin Kitab Allah anu diturunkeun ka Rasulna teh.. Kalamullah.. Firman Allah, sanes karangan Nabi, sanes karangan Rasul, sanes karangan Jibril atawa karangan makhluk sanesna… Anu wajib diuninga aya Opat.. Zabur Nabi Daud, Taurat Nabi Musa, Injil Nabi Isa, sareng Al-Quran anu diturunkeun ka Rasulullah Muhammad SAW…. Anu ayeuna jadi hiji-hijina kitab anu wajib diyakini sautuhna ku urang.. Margi Injil, Taurat sareng Zabur anu ayeuna mah… tos direkayasa ku jalmi..

Ieu oge anu ngabentenkeun urang sareng sekte Rafhidah, urang mah yakin Al-Quran anu ayeuna teh sautuhna sadayana-na Kalamullah… Teu aya anu langkung komodeui kirang… bade sa-ayat atanapi sa-hurufna… Upami Rafhidah mah justru ngayakinan Al-Quran anu dicepeng ku urang ayeuna teh.. cenah tos dirubah atanapi istilahna teh di-Tahrif.. Al-Quran teh cenah tos ditambahan sareng dikurangan ku Para Sahabat Nabi.. Jigana Rafhidah mah nganggap Para Sahabat teh teu ngartos Ajaran Islam.. Dugika wani ngarubah Al-Quran.. Padahal Para Sahabat pasti uninga:
أَنَّ مَنْ نَقَصَ مِنْهُ حَرْفًا قَاصِدًا ِلَذِلكَ أوْبَدَلَهُ بِحَرْفٍ آخَرَ مَكَانَهُ أوْ زَادَ فِيْهِ حَرْفًا مِمَّا لَمْ يَشْتَمِلَ عَليْهِ المَصْحَفُ الّذِي وَقَعَ الإِجْمَاعُ عَامِدًا لِكُلِّ هَذَا أَنّهُ كَافِرٌ

“Sing saha anu ngurangan hiji huruf, atawa ngaganti hiji huruf ku huruf sejena, atawa nambihan hiji huruf anu teu aya dina mushaf Al-Quran anu tos disepakati, bari dihaja ngalakukeuna.. maka anu ngalakukeuna kaasup jalma kafir..”

Saur Rafhidah mah Al-Quran anu ayeuna teh teu asli.. Ieu tudingan Rafhidah ditulis dina Kitab Fashlul Khithab fii Itsbaatit Tahriifi Kitaabi Rabbil Arbaab anu dikarang An-Nuuri Ath-Thabrasi, halaman 31 anu hartosna:
إِنَّ الْأَصْحَابَ قَدْ أَطْبَقُوْا عَلَى صِحَّةَ اْلَأخْبَاِر اْلُمسْتَفِيْضَةِ بَلِ اْلُمتَوَاترَةِ الدِّلالةِ بِصَرِيْحِهَا عَلَى وُقُوْعِ التَّحْرِيفِ فِي القُرْآنِ

“Para ulama Rafhidah tos netapkeun shahihna hadits masyhur jeung mutawatir anu nunjukeun ayana Tahrif perubahan dina Al-Quran.”

Pendapat ieu berarti teu percaya kana janji Allah anu bakal ngajaminan ngajaga Al-Quran..

إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ

“Saenyana Kami anu nurunkeun Al Quran, jeung saenyana Kami oge anu bakal ngajagana.” (QS Al Hijr ayat 9)

Janten beda antara Al-Quran anu diyakini ku urang… Sareng Al-Quran anu diyakini ku Rafhidah… Al-Quran anu diyakini ku urang mah… Al-Quran anu sampurna anu teu dikurangan jeung teu ditambihan hiji huruf atanapi hiji ayatna oge… Upami Rafhidah mah nganggap Al-Quran anu tos aya ayeuna teh Tahrif… ditambahan sareng dikurangan… Janten Rafhidah mah nganggap Al-Quran teh cenah teu acan diturunkeun… Tapi bakal diturunkeuna engke ka imam-imam manehna.. anu cenah Ma’sum.. tara pernah ngalakukeun maksiat jeung tara pernah ngalakukeun dosa..

Kaopat percaya ka Rasul-Rasulna Allah, nyaeta:
بِأَنْ تُصَدِّقَ أَنَّ اللهَ أَرْسَلَهُ مِنَ اْلخَلْفِ لِهِدَايَتِهِ مِنَ الطّريقِ الْحَقِّ وَأَنّهُ مُصَاِرفٌ بِجَمِيْعِ
مَاجَاؤُوْ بِهِ عَنِ اللِه تَعَالَى

“Urang percaya Allah ngutus Rasul teh, kangge ngadugikeun hidayah ka urang sadayana, sareng percaya kana naon anu didugikeun ku Rasul dongkapna ti Allah Ta’ala”…

Jadi urang kedah percaya kana naon anu didugikeun ku Rasulullah SAW.. Moal samata-mata Rasulullah SAW ngadugikeun parentah sareng larangan upami teu aya parentah ti Allah.. Urang yakin yen Rasulullah Muhammad SAW teh moal ngirangan atanapi nambihan sa-alit oge tina naon anu tos diparentahkeun ku Allah ka anjeuna..

Beda deui sareng Rafhidah.. Rafhidah mah nganggap Rasulullah SAW teh teu ngadugikeun sadayana naon anu diparentahkeun ku Allah ka umatna.. Diantara saur Khomaini.. Para santri pasti kantos nguping Khomaini… Salah sahiji anu dijadikeun imam ku Rafhidah.. Dina kitab Kasyful Asrar halaman 155 karangan Khomaini, disebutkeun.. Anu hartosna:
وَوَاضِحٌ أنَّ النّبِيَّ لَوْ كَانَ بَلَغَ بِأَمْرِ اْلإمَامَةِ طَبْقاً لِمَا أَمَرَ بِهِ الله، وَبَذّلَ المسَاعِي فِي هَذِهِ المجَالِ، لِمَا نُشِبَتْ فيِ البُلدَانِ الإسْلامِيّةِ كُلُّ هَذِهِ الإخْتِلِاَفَاتِ
“Jeung jelas pisan yen Nabi lamun nepikeun urusan Imamah sakumaha anu diparentahkeun Allah, jeung ngusahakeun sagala kamampuana kana masalah ieu.. cenah ceuk Khomaini… pasti perbedaan pendapat anu ayeuna kajadian di negara Islam moal nepika rame..”

Malah ceuk Rafhidah mah, Nabi Muhammad SAW teh cenah gagal dina ngajalankeun tugas anu diparentahkeun Allah SWT ka anjeuna.. Pemahaman sesat ieu ditulis dina kitab Nahju Khomaini halaman 46 anu hartosna:
لَقَدْ جَاءَ اْلأنْبِيَاءُ جَمِيْعاً مِنْ أَجَلِ إرْسَاءِ قَوَاعِدَاْلعَدَالَةِ في العَالَمِ؛ لَكِنَّهُمْ لَمْ يُنَجِّحُوْا حَتَّى النّبِيُّ مُحَمّد خَاتَمُ الْأنَبِيَاءُ، اّلذِي جَاءَ لِإصْلَاحِ البَشَرِيّةِ وَتَنْفِيْذالعَدَالةِ وتَرْبِيّةِالَبشَرِ، لَمْ يُنَجِّحُ في ذَلِكَ
“Saenyana Nabi tos datang sadayana jang nanceubkeun kaadilan di dunia, tapi para Nabi sadayana gagal nepika Nabi Muhammad penutup Nabi oge cenah gagal ngomean umatna, gagal dina milarian kaadilan jeung ngadidik umatna.”

Janten Rafhidah mah teu yakin kana Kanabian Rasulullah Muhammad SAW.. Malah Rasulullah disebut gagal dina mengemban risalah Allah.. Makana wajar upami MUI ngafatwakeun sesat sekte Rafhidah…

Aya sabaraha Jumlah Nabi sareng Rasul teh? Jumlahna seuer, tapi anu kedah diuninga sareng diapalkeun ku urang mah mung 25.. Naon bentena Nabi sareng Rasul? Ulama berbeda pendapat… Aya anu nyebatkeun Nabi mah dipasihan wahyu tapi teu diparentahkeun ngadugikeun ka umatna, pami Rasul mah dipasihan wahyu sareng diparentahkeun ngadugikeun ka umatna…. Aya oge pendapat.. Nabi mah mung neraskeun Syariat Rasul sateuacana.. Pami Rasul mah di pasihan kitab sareng syariat anu enggal ti Allah anu ngagentos syariat sateuaca-na sareng kedah ngadugikeun ka umatna.. Janten setiap Rasul pasti Nabi.. tapi teu satiap Nabi disebat Rasul..

Kalima.. Iman ka Hari Akhir…Nyaeta: Percaya bakal ayana Kiamat.. Tapi waktuna mung Allah anu uninga… Sakaligus percaya kana sagala anu kakait sareng Kiamat… Dantarana dibangkitkeuna urang sadayana ti alam barzah.. Dikempelkeun di padang Mahsyar.. Dihisab amal urang sadayana… Meuntas jambatan Shiratal Mustaqim.. Dugika lebet kana surga atawa Naraka-na Allah SWT.. tergantung rahmatna Allah SWT….

Anu terakhir Kagenep nyaeta تُؤْمِنَ بِالْقَدَرِ خَيْرِهِ وَشَرِّهِ و Iman kana Taqdir sae awona eta dongkapna ti Allah… Kumaha carana?
أَنْ تَعْتَقِدَأَنَّ اللهَ قَدَّرَاْلخيْرَوَالشّرَّقَبْلَ خَلَقَ اْلخَلْقَ أَنَّ جَمِيْعَ مَا كَانَ وَمَا َيكُوْنُ بِقَضَاءِاللهِ وَقَدَرِهِ

Nyaeta urang percaya sapenuhna yen.. Allah tos nangtukeun kasaean jeung kaawonan urang.. sateu acan Allah nyiptakeun urang.. Sadayana anu atos terjadi atawa anu bade terjadi eta tos diuningan ku Allah sabab tos aya dina Qadha sareng Qadarna Allah SWT… Engkin pembagiana aya Takdir Mubram, aya Takdir Mu’allaq… Takdir Mubram anu teu tiasa dirobih deui sapertos maor, urang dilahirkeun janten pameget, para istir tiasa hamil sareng ngalahirkeun, eta Takdir Mubram.. Pami Takdir Mu’allaq dicontohkeuna ku Sayidina Umar nalika ngahindari wabah penyakit anu terjadi di Kota Syam… Wallahu ‘Alam Bish Shawab… Mudah-mudahan aya manfaatna… Hapunten bilih aya kalepatan…السلام عليكم ورحمة الله وبركاته