Kemulyaan Seorang Ibu terhadap Anak-Anaknya

Kemulyaan Seorang Ibu terhadap Anak-Anaknya

Oleh: Yudha H. Bhaskara, SHI

السلام عليكم ورحمة الله وبركاته

الحَمْدُلله الذى جعل لِكُل شَيءٍ سَبَبًا, فَاتَبَعَ سَبَبًا, وَأنْزَلَ عَلَى عَبْدِهِ كِتَابًا عَجَبًا, فِيْهِ مِنْ كُل شَيْءٍ حِكْمَةً وَأً دَ بًا, وأًشْهَدُ أنْ لَااِلَه اِلااللهُ وَحْدَهُ لَاشَريْك لَهُ فِى مَمْلَكَتهِ وَلَا نَظِيْرَلهُ فِى ُربُوْبِيتِهِ. وأَشْهَدُ أن مُحمدًا عَبْدُهُ وَرَسُوْلُهُ بَينَ مَعَالِمَ الِدينِ وَهدَاناالصِرَاطَ الْمُسْتَقِيمَ. اَللهُمَ فَصَل وَسَلِمْ عَلَى سَيِدِنَا مُحمد أشْرَفِ الْخَلِيْقَةِ عَجَبًا وَعَرَبًا, وَأزْكَاهُمْ حَسَبًا ونَسَبًا, وَعَلى أله وَأصْحَابِهِ السادَةِ النُجَبَا …. أمابعد

سبحانك لاعلم لنا الاماعلمتنا انك انت العليم الحكيم

Para Ibu Rahimakumullah anu dimuliakeun Allah SWT….

Alhamdulillah dinten ieu tiasa patepang deui sareng para ibu… Insya Allah dina pangaosan ayeuna.. bade ngabahas terkait “Kemulyaan seorang Ibu terhadap anak-anakna.” Mudah-mudahan pembahasan ieu.. tiasa langkung ningkatkeun kataqwaan urang ka Allah SWT.. Mudah-mudahan urang sadayana dipaparin murangkalih anu shaleh-shalehah… Anu berbakti kanu janten sepuhna… Amin ya rabbal’alamin…

Kitu oge urang sadayana.. mudah-mudahan sing emut deui kana jasa anu janten sepuh, boh sepuh anu tos ngantunkeun, komo deui sepuh anu masih jumeneng keneh… Mudah-mudahan sepuh urang sadayana anu masih aya keneh sing dipanjangkeun yuswana.. disehatkeun jasmanina… diseueurkeun amal shalehna… diistiqamahkeun ibadahna.. Dipaparin Husnul Khatimah di akhir hayatna…. Kitu oge urang sadayana mudah-mudahan sing dijantenkeun golongan anu Husnul Khatimah… Amin ya rabbal’alamin…

Para Ibu anu dimuliakeun Allah SWT….

Dinten wengi Salasa kamari.. alhamdulillah pertemuan katilu pangaosan remaja di Masjid Ad-Da’wah, jumlahna masih turun naek.. tapi alhamdulillah semangatna tos mulai katingali… Upami para ibu gaduh murangkalih remaja, mangga tiap wengi salasa dipiwarang dongkap ka masjid Ad-Da’wah.. Urang sami-sami diajar dasar-dasar agama, margi tantangan jaman makin dieu teh makin abot.. janten pondasi agama murangkalih kedah makin diperkuat.. Etang-etang nambihan ti sakola saminggon sakali ngaos di masjid..

Kamari para remaja ngaos terkait “Berbakti kanu janten sepuh”.. Ayeuna pendak sareng para ibuna.. Janten urang bahas deui supados maching alias nyambung sareng murangkalihna.. Mung sudut pandangna dibentenkeun, upami kamari mah nyandakna tina sisi remajana, upami ayeuna mah urang nyandak tina sisi para ibuna… Allah SWT berfirman dina Surat Al-Ahqaaf ayat 15:

وَوَصَّيْنَا الْإِنسَانَ بِوَالِدَيْهِ إِحْسَاناً حَمَلَتْهُ أُمُّهُ كُرْهاً وَوَضَعَتْهُ كُرْهاً وَحَمْلُهُ وَفِصَالُهُ ثَلَاثُونَ شَهْراً

“Kami perentahkeun ka jelema supaya bageur kanu jadi indung bapana, indungna ngandung dina kaayaan ripuh pisan, jeung ngalahirkeuna dina kaayaan ripuh (oge). Ti mimiti ngandung nepika nyapihna teh tilu puluh bulan…. [ila akhiril ayat]

30 bulan disebatkeun dina ayat ieu.. naon ieu maksudna? Ieu maksadna nyaeta 30 bulan masa anu pang beuratna anu dialaman ku para Ibu… nyaeta Ti mimiti masa ngandung, masa ngalahirkeun, dugika masa menyusui sareng nyapihna.. Ieu tilu masa anu pang beuratna anu moal tiasa dibales jasana kusaha oge putra-putri ibu.. Kumargi hiji-hijina cara murangkalih tiasa ngabales jasa anu janten sepuh teh nyaeta merdeka-keun sepuhna anu statusna budak… Ayeuna perbudakan tos teu aya:

لَا يَجْزِي وَلَدٌ وَالِدَهُ إِلا أَنْ يَجِدَهُ مَمْلُوكًا فَيَشْتَرِيَهُ فَيُعْتِقَهُ

“Hiji anak moal bisa ngabales kana budi anu jadi kolotna kecuali manggihan kolotna dina kaayaan jadi budak, terus menehna meser jeung ngamerdekakeun kolotna tina status budak” [HR. Bukhari-Muslim]

Kumaha ngetangna 30 bulan teh…? Aya dua penafsiran… Dijelaskeun dina Tafsir Ibnu Katsir.., Pendapat anu Kahiji.. Sayyidina Ali bin Abi Thalib karramallahu wajhah nafsirkeun  ثَلَاثُونَ شَهْراً  ieu… Ngangge perhitungan anu paling saalit dina umur kehamilan dugi ka ngalahirkeun..  nyaeta 6 sasih… Margi kadang memang aya para ibu anu nembe hamil 6 bulan tos borojol…, anu disebut bayi prematur tea…. mung jarang.. Upami normalna mah 9 bulan 10 dinten…. Tah Sayidina Ali mah ngetangna teh.. nyaeta 6 bulan hamil dugi ka ngalahirkeun, ditambih masa menyusui 2 taun nyaeta 24 bulan, janten jumlahna ثَلَاثُونَ شَهْراً  30 bulan… Tafsiirul ayat bil ayat.. Surat Luqman ayat 14 nyaeta:

وَوَصَّيْنَا الْإِنسَانَ بِوَالِدَيْهِ حَمَلَتْهُ أُمُّهُ وَهْناً عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ

“Jeung Kami parentahkeun ka jelema (kudu bageur) kanu jadi indung bapana; indungna geus ngandung dina kaayaan leuleus anu kacida, jeung nyapihna dina dua taun. Kudu syukur anjeung ka-Kami jeung ka indung bapa anjeun, ngan ka-Kami anjeun balik.” (Qs. Luqman : 14)

Janten 30 bulan teh.. 6 bulan masa hamil dugi ka ngalahirkeun, ditambih 24 bulan masa menyusui dugi ka nyapih.. Ieu pendapatna Sayidina Ali…Teras timbul pertanyaan…. Naha wajib kitu menyusui orok dugi ka umur dua taun? Teras lamun teu sanggup menyusui dugi ka dua tahun, naha kalebet dosa?

Para Ibu… Al-Islamu yasiiruu falaa tu’assiruu…. Islam mah agama anu gampil janten  ulah dihesekeun….  Margi Allah mah moal mungkin mempersulit hamba-Na.. Yuriidullahu bikumul yusra.. walaa yuriidu bikumul ‘usraa..

Aya Pendapat anu Kadua… Nyaeta pendapat Imam Ibnu Abi Hatim, ulama ahli hadits sareng ahli fiqh.. nyandak tina riwayat Ibnu Abbas RA.. anu hartosna “Lamun hiji ibu ngalahirkeun hamilna 9 bulan, maka cukup menyusuina 21 bulan.. Lamun ngalahirkeun hamilna ngan 7 bulan, maka cekap menyusuina 23 bulan..” Janten etangana tetep 30 bulan, disesuaikeun sareng masa kehamilan……”

Menurut pendapat Ibnu Abbas, sahabat Nabi SAW, nyusuan salami 2 taun teh.. Tergantung masa kehamilan.. Jadi tiasa oge masa menyusuina ngan 21 bulan, margi usia kehamilan normal rata-rata 9 bulan.. Ah, beurat keneh cenah nyusuan 21 bulan oge… Komo ayeuna mah osok aya ibu-ibu anu tos ngalahirkeun malah teu kaluar cai susuna.. Aya oge anu kaluar cai susuna.. tapi orokna teu tiasa ngenyot, dugika kedah diperes heula ngangge dot… Teu kedah hariwang.. sabab Islam mah agama anu sesuai sareng fitrah jalmi.. Dina Quran Surat Al-Baqarah ayat 233.. Allah SWT maparin karinganan:

۞ وَالْوَالِدَاتُ يُرْضِعْنَ أَوْلَادَهُنَّ حَوْلَيْنِ كَامِلَيْنِ ۖ لِمَنْ أَرَادَ أَنْ يُتِمَّ الرَّضَاعَةَ ۚ وَعَلَى الْمَوْلُودِ لَهُ رِزْقُهُنَّ وَكِسْوَتُهُنَّ بِالْمَعْرُوفِ ۚ لَا تُكَلَّفُ نَفْسٌ إِلَّا وُسْعَهَا ۚ لَا تُضَارَّ وَالِدَةٌ بِوَلَدِهَا وَلَا مَوْلُودٌ لَهُ بِوَلَدِهِ ۚ وَعَلَى الْوَارِثِ مِثْلُ ذَٰلِكَ ۗ فَإِنْ أَرَادَا فِصَالًا عَنْ تَرَاضٍ مِنْهُمَا وَتَشَاوُرٍ فَلَا جُنَاحَ عَلَيْهِمَا ۗ

“Jeung para ibu sakuduna nyusuan anak-anaknya salami dua taun pinuh, jang saha wae anu hoyong nyampurnakeun penyusuana. Jeung kawajiban bapa mere dahar jeung pakaian ka manehna ku cara anu ma’ruf. Hiji jelema moal dibere beban ku Allah iwal ti kasanggupanna. Ulah nepika hiji indung kasiksa kusabab anakna jeung ulah oge hiji bapa kasiksa kusabab anakna, ahli waris oge sakuduna jiga kitu. Lamun duanana hoyong nyapih (saacan dua taun) kalayan sili panuju jeung musyawarah (antara ibu jeung bapana), maka teu aya dosa jang duanana.,……….”

Janten para Ibu rahimakumullah… teu nanaon teu tiasa nyampurnakeun masa menyusui anu dua taun eta, asal kedah saling ridha, sareng saling musyarawah heula antara ibu sareng carogena, maka فَلَا جُنَاحَ عَلَيْهِمَا  teu aya dosa kangge duanana…

Engkin uih pangaosan ieu.. Upami ibu ningali aya tatanggi anu nyusuan orokna dugi ka dua taun penuh, ulah diprotes “Na meni daekan teuning nyusuan orok nepi ka dua taun…”…. Margi eta aya parintahna dina Quran Surat Luqman ayat 14 tadi وَفِصَالُهُ فِي عَامَيْنِ … Oge upami ningali aya tatanggi anu nyusuan orokna ngan sakedap…. teu kedah disindir… “Na.. kedul-kedul teuing anak sorangan meni teu daek disusuan..” Margi eta oge aya karinganan ti Allah dina Quran Surat Al-Baqarah ayat 233 tadi..

Teras kumaha upami langkung ti dua taun masa menyusuina? Para ulama seueur anu “membolehkan”.. hukumna mubah… Imam Malik mah berpendapat masa menyusui teh dugika 2 taun 2 bulan, Imam Hanafi malah langkung lami deui dugika 2 taun 6 bulan.. Mung saur Imam  Al-Qurthubi “Nambihan atawa ngirangan tina dua taun eta,  teu nanaon asal teu ngabahayakeun kanu janten orok sareng ibuna..”

Mung saleresna mah memang langkung lami langkung sae… Margi masihan ASI kanu janten murangkalih teh.. merupakan salah sahiji cara anu tiasa ningkatkeun kecerdasan murangkalih.. Anu ngajantenkeun murangkalih pinter teh Allah.. Mung melalui sababaraha ikhtiar, diantarana: 1.) Faktor Genetis atawa keturunan, 2.) Faktor Nutrisi atawa asupan gizi.. salah sahijina nyaeta ASI, 3.) Faktor Edukasi atawa pola pendidikan murangkalih, sareng 4.) Faktor Lingkungan.. Ngadukung henteu kana kecerdasan murangkalih…

Naha leres ASI tiasa ngadukung kana kacerdasan murangkalih? Leres.. Sabab dina ASI anu dikaruniakeun Allah ka para Ibu teh.. menurut hasil penelitian ilmiah.. Aya zat kangge ngabentuk otak murangkalih, anu namina DHA.. singkatan tina Docasa Hexaenoic Acid.. dina ASI oge aya anu namina Omega3, anu diperlukeun pisan kangge kesehatan sareng pertumbuhan murangkalih..

Makana ayeuna WHO, organisasi kesehatan dunia, nganjurkeun masa menyusui teh 6 bulan eksklusif ASI hungkul, diteraskeun masa menyusui ASI sareng asupan makanan sanes dugi ka dua taun atawa langkung.. margi ASI terbukti tiasa ningkatkeun kacerdasan anak, tiasa ningkatkeun daya tahan tubuh anak, sareng ngirangan resiko alergi anak… Tah Islam mah ti 1.400 kapungkur tos ngajarkeun pentingna masihan ASI ka murangkalih dugi ka dua taun….

Kunaon dibahas panjang lebar masalah menyusui? Sabab ieu teh jadi salah sahiji jasa ibu anu moal tiasa dibales kunu janten murangkalih.. Sadayana teh aya tilu… nyaeta..:

Ti mimiti ngandung, salapan bulan patuangan ibu diheurinan kunu jadi murangkalih..nepika lieur ngulapes jiga genjer kaleob cai panas.. nepika gulang-guling nahan nyeri upami orok motah nuju dina rahim.., Abdi sok ningali kapungkur nuju pun istri hamil… karunya… Diteraskeun ngalahirkeun, eta perjuangan antara hirup jeung maotna hiji ibu melaan anu jadi anak…. Teras masa menyusui… unggal enjing, siang sore… gugah tengah wengi melaan nyusuan anu jadi anak.. Tah tilu jasa ieu moal tiasa dibales nepi ka iraha oge kunu jadi anak.. kitu oge sabalikna… urang sadayana moal tiasa ngabales kana tilu jasa anu jadi ibu urang….

Makana Rasulullah SAW nuju ditaros ku hiji pemuda soal Saha jalmi anu pertama kali kedah dihormati…. Rasulullah SAW nyebatkeun ummuka dugi ka 3 kali.. nembe abuuka sakali…:

عَنْ أَبِيْ هُرَيْرَةَ رَضِيَ اللهُ عَنْهُ قَالَ جَاءَ رَجُلٌ إِلَى رَسُوْلِ اللهِ صَلَّى اللهُ عَلَيْهِ وَسَلَّمَ فَقَالَ :يَا رَسُوْلَ اللهِ، مَنْ أَحَقُّ النَّاسِ بِحُسْنِ صَحَابَتِي؟ قَالَ أُمُّكَ، قَالَ ثُمَّ مَنْ؟ قَالَ أُمُّكَ، قَالَ ثُمَّ مَنْ؟ قَالَ أُمُّكَ، قَالَ ثُمَّ مَنْ، قَالَ أَبُوْكَ

Ti Abu Hurairah radhiyallaahu ‘anhu, “Hiji pemuda dongkap ka Rasulullah SAW naros, ‘Ya Rasulullah, ka saha sim kuring kudu berbakti pertama kali?’ Rasulullah SAW ngawaler, Indung maneh!’ Teras saha deui Ya Rasul?’ Indung maneh!’ Teras saha deui Ya Rasul?’ Indung maneh!’.’ Teras saha deui Ya Rasul?’’ ‘Karak bapa maneh.’” (HR. Bukhari no. 5971 dan Muslim no. 2548)

Dijelaskeun ku Imam Qurthubi dina Tafsir Al-Qurthubi,  Hadits ieu nunjukeun tingkat kacintaan jeung kanyaah urang kanu janten ibu, kudu tilu kali lipat ageungna dibandingkeun kacintaan jeung kanyaah urang kanu jadi Bapa… sabab Nabi nyebutkeun kata ibu tilu kali, sementara kata bapak ngan sakali… (Lihat Tafsir Al-Qurthubi X : 239. al-Qadhi Iyadh menyatakan bahwa ibu memiliki keutamaan yang lebih besar dibandingkan ayah)

Wengi Salasa kamari ku pribados dicontohkeun ka para remaja… Upami misalna para remaja gaduh acis 400 rebu, berarti kangge Ibu 300 rebu, kangge bapa 100 rebu…. Naha cenah saur para Bapa teh make kudu dibeda-bedakeun? sabab para bapa mah teu ngalaman 3 masa sulit anu dialaman ku para ibu..

Malah Allah SWT dugi ka ngaharamkeun murangkalih doraka kanu janten ibu.. saur Rasulullah shalallaahu ‘alaihi wasallam.. إن الله حرم عليكم عقوق الأمهات, “Saenyana Allah ngaharamkeun ka anjeun kabeh doraka kanu jadi indung…” (HR. Bukhari Muslim)

عن المغيرة بن شعبة قال : قال النبي صلى الله عليه و سلم : إن الله حرم عليكم عقوق الأمهات ووأد البنات ومنع وهات . وكره لكم قيل وقال وكثرة السؤال وإضاعة المال

“Sesungguhnya Allah Ta’ala mengharamkan kalian berbuat durhaka kepada ibu-ibu kalian, mengubur anak perempuan hidup-hidup, menolak kewajiban dan menuntut sesuatu yang bukan menjadi haknya. Allah juga membenci jika kalian menyerbarkan kabar burung (desas-desus), banyak bertanya, dan menyia-nyiakan harta.” (Hadits shahih, riwayat Bukhari, no. 1407; Muslim, no. 593, Al-Maktabah Asy-Syamilah)

Al-Hafidz Ibnu Hajar dina kitab Fathul Baari ngajelaskeun… Kunaon Allah dugi ka ngaharamkeun doraka kanu janten ibu, sabab ibu anu paling rawan, anu paling gampang didorakakeun ku anak… anak biasana langkung wani ka indung daripada ka bapa… Biasana anak wanian keneh nyengor ka indung daripada ka bapa… makana diharamkeun ku Allah. (Lihat Fathul Baari Al-Hafidz Ibnu Hajar  V : 68)

            Supados nyambung sareng murangkalihna.. Kamari Wengi Salasa para remaja tos diwartosan ulah dugika nyeurikeun hate anu janten sepuh.., bilih sepuhna tisoledat letah ngado’akeun anu teu puguh ka murangkalih.. Tah ayeuna omat ka para ibu sing dijaga do’ana ka murangkalih.. Ulah ngado’akeun murangkalih sembarangan.. Sabab do’a sepuh teh pasti diijabah ku Allah SWT…

ثَلاَثُ دَعَوَاتٍ مُسْتَجَابَاتٌ، لاَ شَكَّ فِيْهِنَّ: دَعْوَةُ الْوَالِدِ عَلَى وَلَدِهِ، وَدَعْوَةُ الْمُسَافِرِ، وَدَعْوَةُ الْمَظْلُوْمِ

“Aya tilu do’a anu dikabulkan ku Allah SWT, moal diragukeun deui kana diijabahna: (Kahiji) Do’a orang tua kanu jadi anak, (Kadua) Do’a musafir atawa anu nuju dina perjalanan. (Katilu) Do’a jalmi anu nuju dizhalimi” (Hasan : HR. Al-Bukhari dina  Adabul Mufrad (no. 32, 481/Shahiih Al-Adabil Mufrad (no. 24, 372))

Upami para ibu ngado’akeun teu puguh kanu janten murangkalih.. Bari nuju dina kondisi dinyeurikeun ku murangkalih.. anu berarti nuju didzalimi, komodeui para ibu nuju dina hiji perjalanan atawa musafir… teras ngado’akeun anu teu puguh ka murangkalihna, maka.. laa syakka fiihinna.. Moal diragukeun deui do’a ibu pasti diijabah ku Allah.. Sabab leubet kana tilu krteria jalmi anu pasti diijabah do’ana ku Allah dina hadist tadi…

Para ibu pasti uninga aya dongeng Malin Kundang, pribados Alhamdulillah nuju teu acan nikah kapungkur kantos ameng ka lokasi Malin Kundang… ayana di Pantai Air Manis Padang.. Bentuk batu karangna memang mirip pisan jiga jalmi nuju sujud.. sareng aya pecahan mirip pisan jiga kapal… dugi ka aya anu mirip tali kapalna oge.. Ieu terlepas tina leres henteuna eta legenda… Mung ibuna Malin Kundang.. upami maca dina dongengna… Harita ibuna teh lebet kana tilu kriteria  do’a anu pasti diijabah ku Allah sakumaha disebutkeun dina hadits tadi.. Kahiji, posisina sebagai orang tua Malin Kundang.. Kadua, posisina nuju Dina Perjalanan milarian anakna atawa musafir.. Katilu, posisina nuju didzalimi ku anakna… Tilu kriteria dina hadits tadi aya di diri ibuna Malin Kundang… Tah ieu terlepas dina leres henteuna eta batu karang Malin Kundang atawa sanes..

Tah dina kahirupan nyata urang ayeuna.. kantos teu para ibu ngado’akeun murangkalihna kudo’a anu teu puguh.. misalna: “ Kie-kieu teuing mah sing dibentar gelap we meneh teh..” tah kade bu… Bisi janten kanyataan.. atawa misalna: “Teu nurut ka kolot mah sing ripuh maneh hirupna..” kade Bu.. tos seueur anu kajantenan jiga kieu… Omat sing dijaga do’a para ibu ka murangkalihna…

Mudah-mudahan aya manfaatna.. hapunten bilih aya kata-kata anu kirang raos dina manah… Upami dina leresna eta samata-mata hidayah ti Allah, dina lepatna eta samata-mata kalepatan pribados… Pribados nyunkeun hapunten bilih salami ieu seueur kalepatan boh anu karaos atanapi anu teu karaos ulah teu dihapunten, kitu oge sawangsulna urang sili bebaskeun di dunia sareng di akhiratna.. Margi umur jalmi mah teu aya anu uninga.. ayeuna urang tiasa patepang enjing pageto saha anu terang…. Wal’afwu minkum… Billahi taufiq wal hidayah..

السلام عليكم ورحمة الله وبركاته و