PENTINGNYA MEMBACA AL QURAN DAN HADIR DI MAJELIS ILMU
PENTINYA MEMBACA AL QURAN DAN HADIR DI MAJELIS ILMU
Oleh: Yudha H. Bhaskara, SHI
اَلسَّلاَمُ عَلَيْكُمْ وَرَحْمَةُ اللهِ وَبَركَاتُهُ
اَلْحَمْدُللهِ الّذِىْ خَلَقَ اْلخَلْقَ عَلَى اْلإِطْلَاقِ. فَاطِرِ السَّمَوَاتِ وَاْلاْرْضِ وَبَاسِطِ الاْرْزَاقِ. أَشْهَدُأنْ لَااِلَهَ اِلّااللهُ وَحْدَهُ لَاشَرِيْكَ لَهُ اْلمَلِكُ اْلخَلّاق. وَأَشْهَدُأنَّ سَيّدَنَامُحَمّدًاعَبْدُهُ وَرَسُوْلهُ اْلمَبْعُوْثُ لِتَتْمِيْمِ مَكَارِمَ اْلاْخْلاق. اَلّلهُمَّ صَلِّ وَسَلّمْ وَبَارِكْ عَلَى سَيّدِنَا مُحَمّدٍ اْلفَاتِح لِمَاأُغْلِقَ وَالْخَاتِمِ لِمَا سَبَقَ وَالنَّاصِرِالْحَقَّ بِالْحَقِّ وَالْهَادِى اِلَى صِرَاتِكَ الْمُسْتَقِيْمِ وَعَلىَ أَلِهِ وَأَصْحَابِهِ حَقَّ قَدْرِهِ وَمِقْدَارِهِ الْعَظِيْمِ
، أَمَّابَعْدُ
…رَبِّ اصْرَحْلِى صَدْرِى وَيَسِّرْلِى أَمْرِى وَاحْلُلْ عُقْدَةً مِنْ لِسَانِ يَفْقَهُوْا قَوْلِى
سُبْحَانَكَ لَاعِلْمَ لَناَ اِلَّامَاعَلَّمْتَنَا اِنَّكَ اَنْتَ الْعَلِيْمُ الْحَكِيْمِ
Para Bapak Jamaah Masjid Ad-Da’wah anu insya Allah dirahmati Allah SWT…
Alhamdulillah… Kalayan rahmat sinareng nikmat ti Allah SWT.. urang sadayana wengi ieu tiasa ngalaksanakeun deui kawajiban tholab ilmu di pangosan minggonan para Bapak di masjid Ad-Da’wah.. anu mudah-mudahan tiasa makin ningkatkeun kataqwaan urang ka Allah SWT..
Teu aya kecap anu langkung megah, anu pantes diucapkeun ku urang salaku hamba anu lemah, iwal ti manjatkeun puja ka Allah anu Maha Kawasa, Puji ka Allah anu Maha Suci, tur Syukur ka Allah anu Maha Ghofur… اَلْمُتَّصِفُ بِكُلِّ كَمَالٍ وَالْمُنَزَّهُ عَنْ كُلِّ نَقْصٍ anu ngagaduhan sagala sifat kasampurnaan sareng bersih tina sifat kakirangan….
Insya Allah urang sadayana anu hadir di pangaosan ayeuna bakal dipaparin katenangan ku Allah dina hirup urang, disimutan ku rahmat-Na Allah… sareng dikurilingan ku para Malaikat… Urang kedah yakin margi eta janji Rasulullah SAW dina hadits Imam Muslim anu sering didugikeun di pangaosan ieu masjid:
وَمَا اجْتَمَعَ قَوْمٌ فِي بَيْتٍ مِنْ بُيُوتِ اللهِ
”Jeung moal samata-mata kumpulna hiji kelompok jalmi di bumi anu kalebet bumi-bumi Allah (utamina masjid)”
يَتْلُونَ كِتَابَ اللهِ وَيَتَدَارَسُونَهُ بَيْنَهُمْ،
“dieusian ku maraca Al-Quran sareng sili ngajarkeun diantara manehna”
يَتْلُونَ كِتَابَ اللهِ atawa maca Al-Quran teh termasuk… maca surat naon wae anu aya dina Al-Quran… Dina 30 juz Al-Quran aya 114 surat.. Jadi mangga surat naon oge dibaca, dipahami sareng diamalkeun dina kahirupan… aya anu maca Quran na ngahanca… sae, aya oge anu sabari ngahanca diselingan kumaca Surat Yasin tiap malem Jumat, atawa surat Wa’qi’ah sareng Tabaarak unggal dinten, atawa Surat Al-Kahfi tiap dinten Jumat… Mangga eta oge kalebet يَتْلُونَ كِتَابَ اللهِ sabab surat Yasin, Waqi’ah, Tabaarak, Al-Kahfi… Eta sadayana bagian tina Al-Quran, anu kaliru mah anu ngalarang maca Surat Yasiin kusabab teu dilakukeun ku kelompokna…
Ulah maca surat Yasina anu dilarang, tapi kuduna arahkeun ummat, supaya ulah maca surat Yasin hungkul, sabab dina Al-Quran teh aya 114 surat, baca oge surat-surat sanesna… Ngahanca tiap dinten, supaya tiasa Khatam Al-Quran… Maca Yasina ulah balapan, maksudna maca Quran sesuaikeun jeung Tajwid-na.. Lamun tos aya Waqaf Lazim (tanda mim) eureun, beda jalmi beda panjang pendek nafasna… Aya anu maca saayat satarikan nafas, aya oge anu diduakalikeun, anu teu kuat nafasna kudu diduakalikeun… Ulah nurutan anu panjang nafasna, nepika euren ditengah ayat, teu aya Waqaf Lazim, teu aya waqaf Muthlaq atawa teu aya Waqaf Jaiz… eureun bari teu ngulang deui tina kalimat sateuacana… Ieu menyalahi ilmu Tajwid… Komodeui lamun dina maca Surat Al-Fatihah nalika Shalat… Ulah euren dimana wae sakadaekna…
Jadi mangga baraca surat naon wae anu aya dina Al-Quran… Sabab nyair pahala teh pang seueurna aya dina maca Al-Quran… saur Rasulullah SAW dina hadits anu diriwayatkeun ku Imam Ahmad:
مَنْ قَرَأَ بِمِائَةِ آيَةٍ فِى لَيْلَةٍ كُتِبَ لَهُ قُنُوتُ لَيْلَةٍ
“Sing saha anu maca 100 ayat Al-Quran dina sawengi, maka dituliskeun jang manehna pahala shalat sapanjang wengi.”
Surat Yaasin aya 83 ayat, ditambah Waqi’ah 96 ayat, ditambah deui Tabaarak (Al-Mulk) 30 ayat… Berarti langkung ti 100 ayat… Komodeui lamun urang bari ngahanca maca Al-Quran unggal dinten… Hiji huruf anu dibaca dina Al-Quran sapuluh pahalana…:
مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لاَ أَقُولُ الم حرْفٌ وَلَكِنْ أَلِفٌ حَرْفٌ وَلاَمٌ حَرْفٌ وَمِيمٌ حَرْفٌ
“Sing saha anu maca hiji huruf dina Al-Quran, maka jang manehna hiji kasaean kusabab bacaan eta, hiji kasaean dilipatgandakeun jadi 10 kasaean anu sarupa, jeung Kuring (saur Rasulullah SAW)… teu nyebutkeun Alif Laam Miim hiji huruf, tapi Alif hiji huruf, Laam hiji huruf, Miim hiji huruf.” (hadits ti ‘Abdullah ibnu Mas’ud anu diriwayatkeun Imam At-Tarmidzi)
Jadi lamun aya anu Yasinan tiap malam Jum’at… ulah maca Yasina anu dilarang, gara-gara teu dilakukeun ku kelompokna… Wios anu bade Yasinan mangga, sabab Yaa Siin oge bagian tina Al-Quran… Sing saha anu ngalarang maca Surat Yaasin, sarua artina ngalarang maca Al-Quran… Padahal rugi lamun urang teu maca Al-Quran… Peperiheun unggal wengi maen gapleh, atuh malem Jum’at nyempetkeun maca Surat Yaasin… Sabab maca Al-Quran teh salah sahiji Usaha anu moal rugi…
Aya tilu usaha atawa perniagaan anu moal ngalaman karugian saur Allah dina Surat Fathir ayat 29…. Kahiji, Maca Al-Quran; Kadua, ngadirikeun Shalat; Katilu Nga-infak-keun harta anu tos dipaparin ku Allah ka urang, kucara terang-terangan atawa susulumputan…:
الَّذِينَ يَتْلُونَ كِتَابَ اللَّهِ وَأَقَامُوا الصَّلَاةَ وَأَنْفَقُوا مِمَّا رَزَقْنَاهُمْ سِرًّا وَعَلَانِيَةً يَرْجُونَ تِجَارَةً لَنْ تَبُورَ
“Jalmi-jalmi anu osok maca Al-Quran, jeung ngadirikeun shalat, jeung ngainfak-keun harta anu tos dipaparin ku Kami jang manehna kucara susulumputan atawa terang-terangan, maka maranehanana meunang perniagaan anu moal aya rugina.”
Jadi maca Al-Quran teh pasti untung… Moal rugi, maca Yaasin malem Jumat oge pasti untung moal rugi… Anu rugi mah anu ngalarang Yaasinan malem Jumat bari manehanana teu maca Al-Quran, komo deui lamun malem Jumat malah maen gapleh…
Teras dina Surat Fathir ayat 29 tadi disinggung masalah Infak… Infak teh aya dua… “سِرًّا وَعَلَانِيَةً” Tiasa susulumputan, tiasa oge terang-terangan, ieu kedah dijelaskeun… Anu susulumputan maksudna supaya kajaga kaikhlasan infakna tina sifat riya, tapi emut anu tiasa nilai jalmi ikhlas atawa henteu dina infakna sanes jalmi deui… tapi Allah SWT… Sabab ikhlas mah ayana dina hate… Laut tiasa diteleuman, tapi hate jalmi teu aya anu uninga iwal ti Allah… Teras nu infak terang-terangan… ieu oge teu aya anu ngalarang… Mangga… Asal tujuana bersih tina riya… Ngan saukur hoyong nyontoan kanu sanes… Terutama nyontoan kanu mampu tapi tara daek infak supaya nurutan infak.
Infak terang-terangan ieu sering dilakukeun di jaman Rasulullah SAW, misalna dina hadits anu diriwayatkeun ku Imam Muslim dikisahkeun, dina hiji waktu, aya rombongan Arab Baduwi dongkap ka Rasulullah SAW… rombongan ieu ngararanggo acuk tina bulu domba anu kasar… Rasulullah ramisak ningali kondisi rombongan Arab Baduwi ieu, pikarunyaeun butuh pisan bantuan… Dugika Rasulullah SAW miwarang para sahabat masihan infak shadaqah ka rombongan Arab Baduwi ieu supaya ditulungan…
Tapi nalika harita para sahabat rada telat masihan infak sareng shadaqahna ka rombongan Arab Baduwi ieu… Dugika penteu Rasululullah SAW rada baeud margi kecewa ka para sahabat… Akhirna dongkap para sahabat di kalangan kaum Anshar masihan infak sareng shadaqah ka Arab Baduwi eta di payuneun Rasulullah SAW sareng sahabat sanesna, teras disusul ku para sahabat sanesna… Sadayana terang-teranangan masihan infak sareng shadaqahna… Dugika Rasulullah SAW ngadauh:
مَنْ سَنَّ فِي الْإِسْلَامِ سُنَّةً حَسَنَةً فَعُمِلَ بِهَا بَعْدَهُ كُتِبَ لَهُ مِثْلُ أَجْرِ مَنْ عَمِلَ بِهَا وَلَا يَنْقُصُ مِنْ أُجُورِهِمْ شَيْءٌ وَمَنْ سَنَّ فِي الْإِسْلَامِ سُنَّةً سَيِّئَةً فَعُمِلَ بِهَا بَعْدَهُ كُتِبَ عَلَيْهِ مِثْلُ وِزْرِ مَنْ عَمِلَ بِهَا وَلَا يَنْقُصُ مِنْ أَوْزَارِهِمْ شَيْءٌ
“Sing saha anu nyontoan kasaean dina Islam, terus diturutan ku jalmi saatosna, maka bakal dicatet jang manehna pahala sakumaha pahala jalmi anu nurutan ngalakukeu kasaean eta, bari moal ngurangan saalit oge kana pahala jami anu ngalakukeuna. Tapi sing saha anu nyontoan kagorengan dina Islam, terus diturutan ku jalmi saatosna, maka bakal dicatet jang manehna dosa sakumaha dosa jalmi anu nurutan ngalakukeun kagorengan eta, jeung moal ngurangan saalit oge kana dosa jalmi anu ngalakukeuna.”
Para Bapak Rahimakumullah…
Neraskeun hadits kautamaan hadir di pangaosan tadi… Wios dibolak-balik oge ameh jamaah masjid Ad-Da’wah beuki nambahan… Kangge jalmi anu hadir di pangaosan teh ku Allah bakal diturunkeun katenangan dina hirupna…
إِلَّا نَزَلَتْ عَلَيْهِمُ السَّكِينَةُ،
“iwal ketenangan bakal diturunkeun ka para jalmi anu aya di eta tempat”
وَغَشِيَتْهُمُ الرَّحْمَةُ،
“rahmat Allah bakal nyimutan manehna”
Tah ieu anu langkung penting… Rahmat Allah bakal nyimutan sadaya jalmi anu hadir di pangaosan… Naon pentingna Rahmat Allah? Penting pisan… leuwih penting tibatan amal ibadah urang… saur Rasulullah SAW:
لَنْ يُدْخِلَ أَحَدًا عَمَلُهُ الْجَنَّةَ » وَلاَ أَنَا إِلاَّ أَنْ يَتَغَمَّدَنِى اللَّهُ بِفَضْلٍ وَرَحْمَةٍ
“Moal bakal bisa ngasupkeun amal ibadah hiji hamba kana surgana Allah, Kuring oge moal asup surga (saur Rasulullah SAW)… Kecuali ku dilimpahkeuna karunia jeung Rahmat-Na Allah SWT.” (HR Bukhari-Muslim)
Lamun kitu mah teu kudu ibadah meuren? Kengengkeun we rahmat-Na Allah lamun urang hayang asup surga mah… Ieu kadang anu pabeulit, bade kumaha kengeng Rahmat-Na Allah lamun urangna teu ibadah ka Allah… Bade kumaha urang ibadah lamun teu nyontoan ka Rasulullah SAW… Sabab Rasulullah SAW teh diutus ka Alam semesta ieu teu aya deui iwal ti ngajadikeun Rahmat kangge alam semesta…: وما أرسلناك الارحمة للعالمين
Teras anu hadir di pangaosan teh saur Rasulullah:
وَحَفَّتْهُمُ الْـمَلاَئِكَةُ،
“sareng bakal dikurilingan ku malaikat sadaya jalmi anu aya di tempat pangaosan”
Naha geningan teu katingali Malaikatna… Katingali teu Pak? Malaikat mah moal katingali ku mata Dzahir urang… Margi malaikat mah… أَجْسَامٌ نُوْرَاِنيَّة هُمْ Malaikat teh makhluk anu sifatna tina cahaya… Anging Allah anu tiasa maparin kasempatan ka urang supaya tiasa ningali Malaikat… Mungkin wae urang kantos ningali malaikat, ngan urangna teu uninga eta teh malaikat… Margi Malaikat mahقَادِرُوْنَ عَلَى التَّشَقُّلِ بِأَشْقَاِل اْلمُخْتَلِفَة ”Dipasihan kamampuan tiasa ngarubah bentuk anu beda-beda… Tergantung diparentahkeuna ku Allah…
Dina Hadist kakait rukun Islam sareng Rukun Iman ti Sahabat Umar Ibnu Khattab… Dijelaskeun Malaikat Jibril ngajirim.. nyarupaan jalmi anu dongkap ka Rasulullah SAW ngangge acuk anu kacida bodasna, sareng rambutna kacida hideungna…
إِذْ طَلَعَ عَلَيْنَا رَجُلٌ شَدِيدُ بَيَاضِ الّثِيَابِ شَدِيدُ سَوَادِ الشَّعَرِ لاَ يُرَى عَلَيْهِ أَثَرُ السَّفَرِ وَلاَ يَعْرِفُهُ مِنَّا أَحَدٌ
“Dongkap hiji jalmi nganggo acuk anu kacida bodasna.. sareng rambutna kacida hideungna.. Teu katingali di eta jalmi ciri-ciri anu nembe angkat-angkatan tebih, teu aya kesangan, teu aya kekebul dina acukna.. Sadayana sahabat anu hadir nalika harita.. teu aya hiji oge anu kenal sareng eta jalmi..”
Jadi Malak Jibril ngajirim jiga jalmi waktu ngajarkeun Rukun Islam sareng Rukun Iman ka urang sadayana… Janten Rukun Islam jeung Rukun Iman teh sanes buatan MUI atawa buatan jalmi… Tapi ditentukeun ku Allah melalui Malak Jibril ngajirim turun mendakan Rasulullah SAW… Jadi lamun ayeuna aya anu Rukun Islam jeung Rukun Iman na beda jeung urang… Ieu kudu waspada, sabab ieu sanes masalah Furu’iyyah tapi masalah Ushul, atawa pokok-pokok agama…
Teras malaikat oge tiasa nyarupaan pasukan tentara… Dugi ka ayeuna masih sering kajantenan di Palestina, tentara Israel osok ningali aya pasukan tentara anu nganggo acuk bodas anu ngan katingali ku tentara Israel… Ti jaman Rasulullah SAW oge tos ditingalikeun ku Allah ayana Malaikat anu nyarupaan pasukan tentara… Dina hadits ti Sa’ad bin Abi Waqash anu diriwayatkeun ku Imam Bukhari disebatkeun:
عَنْ سَعْدِ بْنِ أَبِي وَقَّاصٍ رَضِيَ اللَّهُ عَنْهُ قَالَ رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَوْمَ أُحُدٍ وَمَعَهُ رَجُلَانِ يُقَاتِلَانِ عَنْهُ عَلَيْهِمَا ثِيَابٌ بَيْضٌ كَأَشَدِّ الْقِتَالِ مَا رَأَيْتُهُمَا قَبْلُ وَلَا بَعْدُ
“Ti Sa’ad bin Abi Waqash ra. “Nalika Perang Uhud, kuring ningali Rasulullah SAW direncangan ku dua pemeget anu ngiring perang, duanana ngangge acuk bodas, jiga singa anu sili paehan musuhna, kuring teu pernah ningali dua pameget eta sa-acan sareng sa-atos perang.”
Janten urang kedah percaya kana ayana Malaikat, sabab percaya ayana Malaikat teh salah sahiji rukun Iman, margi rukun Iman teh aya genep, nyaeta:
أَنْ تُؤْمِنَ بِاللَّهِ وَمَلاَئِكَتِهِ وَكُتُبِهِ وَرُسُلِهِ وَالْيَوْمِ الآخِرِ وَتُؤْمِنَ بِالْقَدَرِ خَيْرِهِ وَشَرِّهِ
”Anjeun iman ka Allah, iman ka malaikat Allah, iman ka kitab-kitab Allah, iman ka Rasul-rasul Allah, iman ka Poe Kiamat, jeung Iman kana Takdir sae awona eta ti Allah..” Teras panutup haditsna:
وَذَكَرَهُمُ اللهُ فِيمَنْ عِنْدَهُ،
“Jalmi anu hadir di pangaosan bari bakal disebut-sebut ku Allah dipayuneun (para malaikat) anu aya di sakuriling Allah.”
Para Bapak Rahimakumullah….
Masjid urang ieu namina Masjid Ad-Da’wah, anu dicandak tina kata da’a, yad’u, da’watan… hartosna secara bahasa ngageroan atanapi ngajakan… Syar’i na: Ngageroan sareng ngajakan kana sagala perintah Allah SWT sareng sunah Rasulullah SAW… supaya jalmi aya dina kaayaan taqwa ka Allah SWT…
Nyarioskeun Da’wah teh saleresna beurat… Dakwah sanes ngan saukur pinter nyarios dina speaker… Komodeui lamun diniatan ngan saukur hoyong dihargaan ku batur, hoyong kengeng posisi sareng jabatan… atawa hoyong dianggap pang pinterna ku batur… Sanes… Moal aya manfaatna ka ummat sareng di akhirat upami niatna kitu… Tapi dakwah teh kedah samata-mata diniatan Lillahi ta’ala… Samata-mata hoyong ngadugikeun naon anu tos disyari’atkeun ku Allah sareng Rasulullah SAW… Bade janten pengurusan DKM atawa henteu… Bade janten ustad atawa henteu… Urang sadayana gaduh kawajiban dakwah ka ummat…
Saur Rasulullah SAW dina hadits anu diriwayatkeun Imam Bukhari : بَلِّغُوا عَنِّي وَلَوْ آيَةً “Dugikeun ti kami sanajan ngan saayat…” Upami urang tos yakin uninga kana Bismillahir rahmanir rahim… Maka dugikeun Bismillahir rahmanir rahim… Ulah waka luncat kana Alhamdulillahi rabbil ‘alamin… upami urang tos yakin uninga kana Alhamdulillahi rabbil ‘alamin… Dugikeun Alhamdulillahi rabbil ‘alamin… ulah waka luncat kana Arrahmanir rahim… kitu oge saterasna… Dugikeun naon anu tos yakin diuninga ku urang ka umat… ulah waka luncat kana naon anu teu acan diuninga ku urang…
Margi ulah gagabah dina Dakwah, sabab hadits tadi masih aya terasana… :
وَمَنْ كَذَبَ عَلَيَّ مُتَعَمِّداً فَلْيَتَبَوَّأْ مَقْعَدَهُ مِنَ النَّارِ
”Sing saha anu ngahaja bohong nyalindung ka kami… Saur Rasulullah SAW.. “ maka siapkeun tempat calikna tina seuneu naraka..”
Janten dakwah teh aya aturana… Sanes ngan saukur samata-mata ngadugikeun sanajan sa-ayat…. Oge ulah gagabah nyandarkeun ucapan urang ka kanjeung Nabi Muhammad SAW… teu acan yakin eta hadist atawa sanes…, disebatkeun weh eta hadits… “Saur Rasulullah SAW oge kudu kieu…” Padahal tenyata naon anu didugikeun sanes hadits… Ieu bahaya… Sabab urang bakal disiapkeun tempat calikna tina seuneu naraka… فَلْيَتَبَوَّأْ مَقْعَدَهُ مِنَ النَّارِ.
Hadits ieu sanes ngan berlaku kangge anu resep nyarios sembarangan nyandarkeun ka Rasulullah SAW hungkul…, atawa anu resep ngaya-ayakeun anu saenyana teu aya ti Rasulullah na… tapi oge berlaku kangge anu resep nga-teu ayakeun anu saenyana aya di jaman Rasulullah SAW… Misalna resep ngabid’ahkeun amalan batur… Atawa gampil nyebutkeun hiji amalan teu aya haditsna…
Padahal saleresna aya haditsna, sanes teu aya… Ngan kusabab saalit hapalan haditsna, sebatkeun weh eta amalan teh bid’ah teu aya haditsna ti Rasulullah SAW… Padahal anu puguh mah… Sanes teu aya, tapi teu apal aya haditsna… Maka anu kitu oge sami… فَلْيَتَبَوَّأْ مَقْعَدَهُ مِنَ النَّارِ… siapkeun tempat calikna tina seuneu naraka..” sanes saur pribados… Tapi saur Rasulullah SAW dina hadits Shahih anu diriwayatkeun ku Imam Bukhari sareng Muslim…
Janten dakwah teh henteu sederhana… pribados anu pang juniorna di Masjid ieu… biasana ngonsep heula naon anu bade didugikeun, minimal dua dinten, eta oge lamun teu pabeulit sareng urusan padamelan ti kantor… Milarian heula dalil Quran sareng Haditsna, riset heula, hadits anu bade didugikeun teh shahih atawa dhaif… Kumaha menurut keterangan-keterangan para ulama, bade ulama Salafush Shalih atanapi ulama kontemporer… Janten sanes asal ngucap muka leptop… Ujug-ujug tos aya dina leptop atawa tablet anu biasa dicandak ku pribados… Tapi dirangkum tina sababaraha kitab, etang-etang latihan nulis deui jiga kapungkur nuju damel di majalah Islam..
Para Bapak Rahimakumullah…
Anu pang beuratna dina dakwah teh nyaeta kedah saimbang antara ucapan sareng kalakuan… Ieu anu pang dipikasieun ku pribados… Dugika ti kapungkur pribados sieun pisan janten ustadz atawa kyai… Masantren 6 taun, kuliah Syariah Hukum Islam di IAIN Jakarta 5 taun.. tos lulus malah milih damel.. Margi sieun ku firmana Allah dina Quran Surat Ash-Shaff ayat 2 sareng 3 ieu:
يَاأَيُّهَاالَّذِيْنَ ءَامَنُوْالِمَ تَقُوْلُوْنَ مَالَاتَفْعَلُوْنَ-0-كَبُرَمَقْتًاعِنْدَاللهِ أَنْ تَقُوْلُوْامَالَا تَفْعَلُوْنَ-0-
“Hei Jelema anu iman! Kunaon anjeun ngucapkeun anu teu dilakukeun ku anjeun? (2) Kacida ageung ijidna Allah lamun anjeun ngucapkeun naon anu teu dilakukeun ku anjeun. (3)”
Kumargi kitu… ti mimiti pribados disungkeun ngeusi ceramah, diniatan ku pribados… Naon anu dicarioskeun dina ceramah pribados, tujuan utamana… hoyong nganasehatan diri pribados nyalira… Etang-etang ngamuthala’ah deui naon anu pernah dipelajari ku pribados… Upami dina leresna mangga diamalkeun ku para Bapak, upami dina lepatna… tegur pribados… Lempengkeun pribados…. Mudah-mudahan naon anu pernah dipelajari ku pribados di pasantren sareng di Fakultas Syari’ah IAIN Jakarta… Tiasa maparin manfaat khususna ka diri pribados nyalira, umumna ka para Bapak, margi saenyana ilmu anu diamalkeun teh ngocor pahalana dugi ka pupus engkin:
إذَا مَاتَ ابْنُ آدَمَ اِنْقَطَعَ عَمَلُهُ إِلّا مِنْ ثَلَاثٍ: صَدَقَةٍ جَاِرِيَةٍ، أوْ عِلْمٍ يُنْتَفَعُ بِهِ، أوْ وَلَدٍ صَالِحٍ يَدْعُوْ لَهُ، رواه مسلم
“Lamun anak Adam maot, maka pegat sagala amalana di dunia iwal ti tilu: Shadaqah jariah, ilmu anu diamalkeun… sareng murangkalih anu shaleh anu ngadoakeun sepuhna saatos pupus…” (HR. Imam Muslim)
مَنْ سَنَّ فِي اْلاِسْلَامِ سُنًّةً حَسَنَةً فَعُمِلَ بِهَا بَعْدَهُ,كُتِبَ لَهُ مِثْلُ أَجْرِمَنْ عَمِلَ بِهَا وَلاَ يَنْقُصُ مِنْ أُجُوْرِهِمْ شَيْءٌ
“Sing saha anu nyontoan kasaean dina Islam,teras kasaean eta diturutan ku jalmi saatosna, maka bakal dicatat janten pahala kanu nyontoana, sakumaha jalmi anu nurutan ngalakukeun eta kasaean, bari teu ngurangan saalit oge pahala jalmi anu nurutan ngalakukeun eta kasaean…”
Oge sabalikna,
مَنْ سَنَّ فِي اْلاِسْلَامِ سُنَّةُ سَيِّئَةً فَعُمِلَ بِهَا بَعْدَهُ , كُتِبَ عَلَيْهِ مِثْلُ وِزْرِ مَنْ عَمِلَ بِهَا وَلَا يَنْقُصُ مِنْ أَوْزَارِهِمْ شَيْئٌ -أخرجه مسلم-
“Sing saha anu nyontoan kaawonan dina Islam, teras kaawonan eta diturutan ku jalmi saatosna, maka bakal dicatet ka anjeuna dosa saseueur anu dipikadamel ku jalmi-jalmi anu nurutan kana eta kaawonan, bari moal ngurangan dosa saalit oge ti jalmi anu ngalakukeun eta kaawonan.” (HR. Imam Muslim)
